來!指著我吧! -----把我的網頁設成首頁吧!
按滑鼠右鍵即可bookmark本網
| 首頁 | 一按 ,即回這畫面 |
| 笑爆嘴 | 世上最強笑話盡在於此 |
| 爆笑特別埸 | 一批分好類既笑話,暫時有電腦,三級,小新三類 |
| 恐佈桌面 | 令日精神為之一振既WALLPAPER |
| 低智問題 | 令人爆笑既問題,但由於網主無用,所以較少 |
| 爆笑禮物 | 我私人醒比各位既禮物,有好玩既,又有整蠱人既野,仲有爆笑片段,全部都係極品珍藏! |
| 爆笑的圖 | 絕對笑到扒地既圖 |
| 爆笑的歌 | 超強之作,不聽不可 |
| 留留留言板 | 又係上面那句 |
| 我的秘密 | 爆笑地獄的由來、威水史，網主既秘密、情史 |
| 連結地獄 | 人地D網頁LAW |
| 大肉腳傳(暫名) | 製作中...... |
23/5/2009
三年無更新........我第一次連放六日大假~~~終於的起心肝申請返個留言版.原來個網頁今年就已經十歲了.....其實除左我自已之外,
仲有無人知都成問題........
望一下對上一次既更新....原來部19吋mon 係三年前買入, 剛好我轉左24吋viewsonic 既mon唔夠一個月, 希望唔會下次買mon先update網頁啦......再望一下......原來3年前先去開始既Prison Break....咁橋又係今個星期睇大結局.....真係3年人事幾番新, 不過再再再望下.......狼圖驣仍然未睇晒.......原來咁又過左三年了......
真係諗唔到有乜upload.....諗到再搞吧...
30/10/2006 大鑊.....連續四次入戲院都悶到抽根......順次序為 日本沉沒, 黑拳, 地海傳說, 妄想.........就連尋日睇既廁客浮士德, 我都係悶到差唔多訓著.......同埋有被騙既感覺, 根本套野唔係由詹瑞文主演既........... 算! 諗返最近有咩係好既............最近既好show, 就有黃子華既楝篤笑, 而睇得最多,最緊張既, 當然係PRISON BREAK 啦! 用左唔夠2個星期就睇晒SEASON 1 既22集, 再加 SEASON 2 7集, 上星期又再追埋第8, 宜家每個星期1 (美國時間) 都有得做, 仲有排追........好耐好耐無 追過電視劇, 呢套真係繼 friends 後最吸引到我既電視劇, 正!
好玩既仲有尋晚去 海洋公園 哈羅喂, 我入左五間鬼屋, 真係唔錯啊! 下年去的話一定要買vip 飛!
狼圖驣仍然停留在頭幾十頁.......進度緩慢, 但唔係佢唔好睇, 相反仲好掂! 只係本書太重.....唔方便周圍拎出街!
再諗開心既野! 19吋 philips lcd mon~~~ 再加 microsoft 無線光學mouse 連 keyboard! 掂! 正! 爽!
好想試下打網球.......好想去踩單車.........好想個肚腩消失.........好想搵到一見鐘情既...........眼鏡, 呔夾, 皮帶, 銀包........
崩潰的記者 http://www.youtube.com/watch?v=xl1chaCDnro&mode=related&search= <-----專業? 搞笑?
1/10/2006 已經睇左詹Sir互動教室PIP,萬世歌王同埋男人之虎! 黎緊仲會有廁客浮士德,楝篤交響SHOW, 同埋黃子華既楝篤笑(兒童不宜),節目一浪接一浪, 多到玩唔晒......上星期又去左游船河, 玩WAKEBROAD, 不過好可惜, 我起唔到頭.........呀船家話我太性急.......
如果100分係滿分, 萬世歌王我會比 300分, 實在太太太過正, 3個鐘頭無冷場, 有人話個SHOW唔算太好笑, 我一開始完全唔明, 但....諗真D, 如果張飛比我媽去睇, 肯定佢實話唔掂, 因為有好多內容, 你要知佢做緊乜, 例如唱英文歌, 扮歌星, 唱日文歌, 重演某D電影既片段, 的確未必個個知佢做緊乜, 個SHOW既其中一段, 係扮歌聲魅影, 好多人笑, 但我完全唔知佢做緊乜, 好在我身邊既SONSON 話比我聽! 反而.....口碑好好既男人之苦......我真係覺得幾悶......我懷疑係我個坐位位置既問題......或者因為真係太俗而我笑唔出........不過仍然好期侍黎緊既SHOW!
9月同10月係最多朋友仔生日既.....睇怕做人情都要做到手軟...........最近最缺乏既係SM, S FOR SLEEP, M FOR MONEY.......
最近追緊既係PRISON BREAK (港譯逃), 果然唔錯, 可惜既係真係太少時間, 否則我會睇埋HORSE 及 LOST
從匯豐銀行拎返黎既白色PSP 已經有返咁上下時間, 日日拎住佢黎度陪我坐車........突然發然掛住打機, 睇少左書........
近年睇既書同劇都唔算少, 而且多元化 , 日日坐車拎住本書或PDA 已經成為習慣, 整返個清單先......
大唐雙龍傳
邊荒傳說
達文西密碼
人性的弱點
電車男
金色的卡修
ONE PIECE
殺戳都巿
野豬大改造.........一時記唔到咁多添........
22/8/2006 今個月睇左軟硬LONG TIME NO SEE 既第8場, 草蜢做嘉賓, 睇到熱血沸騰, 即時想買草蜢既演唱會飛, 但係....買唔到心水既位置.....算數, 放棄!
下個月係 THE MONTH OF 詹詹, 月頭月中月尾都係睇詹瑞文既SHOW, 月頭係劇場詹SIR互動教室PIP, 然後20號就 萬世歌王, 30號就男人之虎! 突然搖身一變成為詹瑞文既FANS~~~
< 保証玩到手抽筋既GAME
20/8/2006
哇~~~又差唔多一年無update個網頁, 我實在係太懶......網頁上好多野都out晒......爆笑地獄原來係 99年11月20日出世既,
即係下個月就7歲, 我整網頁時應該係17歲, 宜家就25! 哇.....人生既路已經走左25年......但仍然一事無成, 大鑊!
宜家潮流似乎已經唔興個人網頁, 隨之而黎既係 blog, 相薄, xanga, youtube.......
你要我放相薄比D唔識既人睇- 我無咁既勇氣!
你要我日日寫日記上黎 - 我又唔知算係比邊個睇!
你要我拍片放上YOUTUBE - 我就更加做唔黎啦!
你要我好似以前咁搵D笑話笑片放上黎 - 我又懶 + 少人睇!
咁.....即係乜都唔使做啦? 即係個網可以摺埋佢啦? - 咁我又唔制喎! 我個網年年要比HOSTING 錢同DOMAIN 錢呀! 幾舊水呢!
好........既然比左錢, 當然要做返D野, 我決定將上面既野全部都做晒佢 ( O_o REALLY?)
其實都唔係好難丫, 即係做個有日記,有相, 有YOUTUBE, 有笑片同笑話既網, 難我唔到既!!!!
唔好講咁多, 即時整返幾段我睇過又好笑既YOUTUBE片先~~
新白雪公主 < 最近最掂! 一流既廣東話配音! 絕!
PANKUN ( 阿笨) 扮貞子 < CLICK 落去丫唔該
KFC捉蟲生日會 < 又真係幾捉蟲喎!!!
史上最差既守門員 < 有YOUTUBE真好, 唔使我又DOWNLOAD又UPLOAD
< 搞住咁多先~~~要睇美女廚房, SEE YOU~~~~ ( CLICK
圖就睇到 姑姑既日文歌MV, 好可愛呢)
2/10/2005 影評不可靠啊~~~~睇完電車男後, 再睇埋 喇叭書院 ( SWING GIRLS) 故事簡單得黎都好好睇啊, 劇情類似 亞SIR黎自樂人谷 ( 英文名唔記得) 感覺上 樂人谷比較有深度同完整, 但係 喇叭既白痴笑位比較多~~~~奇怪 上網睇影評 喇叭被彈到一文不值........今個星期仲想去睇 劉華同埋成龍.....唔知有無人陪我去睇呢....... ( SWING GIRLS 女主角裏面個四眼妹妹好靚女啊)
剛睇左電車男既電影版, 故事簡得黎 幾好笑, 電車男既小說 電視 同埋 漫畫都無睇, 但聽聞 男主角應該係醜樣的.........電影版個男主角變身後好靚仔啊~~~~但個主角好似好老........
1/10/2005 新增爆笑片段 X 1
實在太HURT.......竟然又有人同我講, 聽講你好多女朋友喎............OH SHIT.......我無拍拖好耐啦喎...........邊度整堆女友出黎.......莫講話女友~~~目標都唔多個 ( 一個咁大把) 小弟做野打機睇書睇碟等等一律工作或遊戲 都可以一心多用, 唯獨係心上人就只能夠得一個~~~~ 稍為有上過我網既人都知我單身時間 比拍拖時間多好多~~~~對住呢D 一次又一次既誤解......我真係束手無策........暫時我對住呢D 聲音都係 極力否認, 話返比人聽自己係單身的........但係已經開始有D 覺得煩.......恐怕我遲早會放棄式地 答對方, 係呀! 都幾多GA~~晚晚唔同添呀!~~~~ >.<
甚麼是什扒飯? 什扒飯通常有豬扒雞扒,有時會係牛扒, 然後整塊蛋或午餐肉或火腿又或者腸仔,總之就估佢唔到的, 咁什扒飯對我有咩特別意義呢? 我每個星期六係只需要返半日的, 即係LUNCH TIME就放工, 每個星期六我公司樓下既茶餐廳就會整個什扒飯出黎做午飯, 個個星期如是, 我發現我已經吃左好多個星期.......每個星期六都係吃完個什扒飯就歸家或者搵人陪..........所以什扒飯對我黎講即係無人陪..................即係生活枯燥.........即係悶
28/9/2005 右手好痛..........尋日去左打保齡球~~~~打左 3個鐘意 總共 5局有多, 最高紀錄係 142分 ~~~ 對復出後第二次黎講已經好滿意~~~~但隻右手真係好痛, 尋晚連開水喉都有問題 O.o
25/9/2005 講個故仔先~~~~有條友 ( 即係我啦) 迷上左一間食店,但係間食店同一時間好多人鐘意, 經常坐滿人,好難先能夠約得到, 幾經辛苦 約於靠誠意打動到佢, 能夠約到幾次, 滿心以為自己 成為 VIP 既時候 , 突然發現, 往後所有 假期或重要日子 已經比其他人 預約左, 根本無留比我, 立時感覺到不被重視, 感覺上待遇同其他人無分別, 甚至有時連新客都不如, 究竟係自己多心 還是自作多情? 好想知究竟自己 係普通客人? VIP? 還是 有好多好多個VIP 我只係其中一個? 可憐既係.....o係呢個時候 大腦完全發揮唔到作用, 好想有傍觀者話我知 , 究竟.........咩事.................我自己知道做任何事都好 越係想發揮得好, 就越要將勝負拋於腦後, 但.......我竟然 極之在意 所有既事..............正宗的當局者迷...........正當自己 自信心被打擊時.........條友 ( 又即係我啦) 走左去搵其他食店...........發現.....原來我都算係名列於佢地既 VIP 名單, 佢地比我感覺到 被重視............話雖如此..........我都仍然 係最鐘意O個間 多人既食店................或者有人會話 條友 犯賤, 越係得唔到就越想去............但我自己知 ....我並唔係D 咁既人, 對住其他, 莫講話有無人, 如果要我排隊我都一定 唔會入去, 我知道, 我係真心 的, 為左拎到 VIP 咭 我會用我既誠意同時間...........雖然以前未試過, 但事在人為吧.......
宜家係 9月25 日 晨早 差唔多四點鐘........今日受到好多恥辱...........蘇菲 ( 男人名) 你聽晚一定要報我地報仇呀...............我地受到既屈辱..........係要用啤酒黎度清洗的 ( O.o ?) ........... 我話過..........唔會再咁面皮薄, 下次開始, 交比你帶頭啦, 唔好叫我同人 拎位啦
頭先在蘭桂芳 被一間 叫 喜喜的 CLUB 咁既物體拒諸門外..........再加上三號風球 橫風橫雨, 街度又多人, 好不狼狽.............心諗.........又會咁橋.............我之前既女朋友...........同佢同名.........做既野似乎亦會一樣............
22/9/2005 醒醒目目 終需孤獨? 痴痴呆呆 人見人愛? 小弟天生一副古惑相,再加上一張油腔滑調的賤嘴 永遠被正經人家視為洪水猛獸, 更慘的是被誤會為永遠有狂蜂浪蝶於身旁 ( O_o?) 更更慘的是小弟有一個運轉速度尚算正常, 但經常失靈的腦袋, 對住心上人時永遠失靈, 對住一D 唔應該 聊既人就金句不絕 , 口若懸河, 信口雌黃.............
曾經有一個由中學開始認識既 女性知己 同我講過 : KING, 同你一齊雖然開心, 但我肯定唔會搵你做我男友,因為你太口花啦.............
我問 : 你識我咁耐,你都應該知我專一
友答曰 : 係! 但始終口花 比唔到我安全感,再加上閣下個樣 點睇都係似花 FIT~~
我 : ....................
商場如戰場, 本人一向崇尚談笑用兵既境界, 可幸既係 就算天跌落黎 我都仍然笑得出, 可悲既係當人人喊緊既時候你笑, 人地會當你 傻既..........曾經有上司懷疑我既管理能力, 原因就係我會同下屬有講有笑,雖然最後能夠以成績証明一切, 但始終..................
工作上我勇於向難度挑戰, 越多人爭既客, 越煩既客, 越係人地搞唔掂既客, 我都越樂意去挑戰, 皆因過程動人, 更能滿足我既成功感
感情方面呢? 剛剛相反, 有男友既 免問, 甚至有人追緊既都免問, 更甚至既係......................( 好眼訓, 要去訓覺 現在係10月22日 00:52)
總之宜家既我 有所改變..................我要去爭取............詳情待續 ( 下次絕對會有 爆笑禮物UPDATE)
3/7/2005 "好耐無更新"......發現每次更新打字時......第一句諗起既.....就係呢五個 字, 現在係05年 7 月, 瀏灠量已經超過 120萬, 在無更新, 無浦頭, 潛水期間, 每人仍然有超過 400 人 來自香港 台灣 大陸既網友支持, 我真係好對唔住各位, 同時 亦都好多謝各位 , 望返自己既記錄, 原來同 FAFA 分手已經有成年了.....感覺好似好耐.....又好似只係兩三個月前既事........
自從買左相機後.........就係咪都帶埋出黎影相, 影埋影埋 已經超過 2GB, 想搵個網上相薄 放 小小 上去, 但始終仍未動手
列舉一下 最近一年 我玩過而又記得既 EVENT 先~~~~
買左EYETOY, 好好玩, 但會斷手, 好累
考民安隊......人地要左我....我又無時間去
獨木舟 一星章 獲得~~
玩風帆 整爛左人地 個帆
買左 SEX & THE CITY 返黎先知唔係笑片
奧碼三號 初三團 之 決戰暈船浪
買左部 PANASONIC FX-7
再列舉一下 黎緊會 出現既 EVENT , 睇到到時有幾多 做到
獨木舟 二星章獲得
自己動手搞一次遊船河
買部 DELL X 50V PDA
戎打機 戎口花 戎聊女仔 戎重色輕友 戎返工時玩MSN 戎買左 DVD 返黎唔睇 戎亂放野令到 HD 唔夠用 戎成日唔UPDATE 網頁 戎唔執房 戎亂洗錢 戎日行一善 ............
小弟部電腦其實有好多想更新既笑話..........但實在無時間 去選取 材料, 如果有邊位 有時間的話 就請伸出你既援手 ~~~~ADD 我個ICQ 幫手啦~~~~
11/5//2005 忽然心血來潮, 將背景音樂改為 吉祥三寶, 首歌好得意,唔似我地香港既K歌同其他商業味強烈既歌~~~~第一次聽首歌係 搭小巴時聽到的,好彩個主持有講歌名, 返到屋企上網一搵就搵到, 仲搵到段介紹首歌既內容>>>>>>
一首用古老蒙語唱出的歌，但也是一首活潑、流行性很好的歌，讓人心裡充滿溫暖。
《吉祥三寶》是[布仁巴雅爾]寫給三歲的女兒[諾爾曼]的，這首歌的童聲部分是七歲的[英格瑪]，洋溢著[呼倫貝爾]的新鮮牛奶的味道……由一家三口演唱--
小女兒問：“爸爸，太陽、月亮和星星是什麼？”
爸爸回答：“吉祥三寶”。
小女兒問：“爸爸，綠葉、花朵和果實是什麼？”
爸爸回答：“吉祥三寶”。
小女兒問：“爸爸、媽媽和我是什麼？”
爸爸媽媽小女兒：“吉祥三寶”。
爸爸、媽媽、女兒：吉祥三寶，永遠吉祥。
小女兒問：“媽媽，太陽、月亮和星星是什麼？”
媽媽回答：“吉祥三寶”。
小女兒問：“媽媽，綠葉、花朵和果實是什麼？”
媽媽回答：“吉祥三寶”。
小女兒問：“爸爸、媽媽和我是什麼？”
爸爸媽媽小女兒：“吉祥三寶”。
爸爸、媽媽、女兒：吉祥三寶，永遠吉祥。
爸爸媽媽問：“寶寶，太陽、月亮和星星是什麼？”
小女兒回答：“不會”。
爸爸媽媽問：“寶寶，綠葉、花朵和果實是什麼？”
小女兒回答：“什麼？”。
爸爸媽媽問：“爸爸、媽媽和我是什麼？”
小女兒：“吉祥三寶”。
爸爸、媽媽、女兒：吉祥三寶，永遠吉祥。
近幾日網頁可能會轉SERVER , 可能會有一兩日 某d人 入唔到, 提醒各位一下先~~~~
至於 做乜咁耐無UPDATE 同埋 幾時 先肯認真地UPDATE , 遲D 先再講
18/7//2004 新增爆笑片段 x 4 爆笑的GAME X 2
我終於來更新網頁啦,
給留言版的網友說中了, 我真的和女朋友分手了
>< 人類的精神力真強啊,在留言版有些網友叫我 快點 失戀然後就能更新......... 那麼, 下次我中了六合彩才來更新吧 ><
這麼久沒更新網頁,其實也是因為工作的關係,煩忙的工作己經持續超過一年了, 而且工作量和壓力 有增無減, 唯一的娛樂便是和女友一起, 可惜現在也沒了, 在家唯有看看 dvd 和 看書吧, 電視將會播出 大唐雙龍傳了, 之前不打算看這套小說的(看來很長啊) 不過 現在可能也會去圖書館拿來看吧, 上星期六去到圖書館, 金庸和古龍 的小說, 應看的都看了, 實在不知看甚麼好, 於是拿起了一套 張居正傳來看, 一開始比較悶, 現在 中段好多了, 平日上班也不覺有甚麼, 但一下班和假期就真的很 寂寞了............
最近自己身邊也有很多朋友失戀.......加起我自己來, 最少有五個......流年不利嗎?
收到一個電話調查, 問我有否登記做選民, 和會投票給那一位, 我回答說我有登記, 但我真的不知投票給誰啊........一大堆癈人, 不是只懂得叫人去行山玩水的缺席保皇派, 便是只懂叫人去遊行和反對反對再反對的扮民主派, 兩邊也沒有為人民做過甚麼.......真頭痛
悶悶悶, 現在 最想做的是搞個 爆笑地獄 聯誼大會 ( 看看有否美女收養我) 或者 來個爆笑地獄 機神大會( 只玩高達和拳皇) 有人會有興趣嗎?
我開的電郵地址 joke@kingjoke.com 收到很多病毒 ~.~ 再收這樣多我就 癈了它武功
有認識的台灣朋友 打算不久將來 會來香港旅行, 打算找我做導遊, 呵呵~~~ 我很樂意啊~~~~ 我也希望能在 12個月之內 去一去泰國或回北京旅行, 如果台灣有朋友 我也會考慮, 希望有時間去啦~~~~~
其實一直有很多東東 想放上來 的, 不過對著 keyboard 時 又不忘了有甚麼要打 (少年痴呆)
其實仲有好多笑話可以放上黎的~~~~不過都係懶, 下次吧~~~ 反正無女友......好得閒
5/4//2004留言版暫時復活 (剛剛申請過一個新的)
4/4//2004 新增 笑爆嘴 第20頁
開左個 email address------> JOKE@KINGJOKE.COM
如果各位有乜好野想話比我知 或者有野問 又或者想拎我簽名 歡迎各位 隨時E-MAIL比我
對上一次更新係去戲院睇完MATRIX 3 今次更新 MATRIX 3 連DVD都出埋, 睇怕好多人都以為我個網摺埋左~~~ 網頁瀏灠人次 在我無更新既時候過左 100萬, 認真開心 又慚愧, 塊留言版仍然未好返, 睇怕都要去申請過另一個, 咁耐唔更新係因為真係好忙好忙......近一年開始發現時間越黎越唔夠用, 以前會覺得點解咁耐仲未新年 聖誕 或者生日, 但係宜家到左有節日或者假期時, 反應會變為 { 又到生日? 又老一年.....) 舊同學見返我 好多都話我老餅左,希望對我黎講係好事啦~~~~
在公餘時間 淨返既娛樂就只有 睇火鳳燎原同埋放工時 打高達, 再加上同埋女友去食三文魚生, 呢D 就係我呢位老人家既生活啦 ^O^
原來哥哥 張國榮 己經去世一周年.....真係唔經唔覺, 電視播返佢既歌, 真係覺得好好好好聽, 轉頭再播一下 宜家既流行歌, OH 唱來唱去 成首歌得 4句........真係難怪我去唱K 時 完全 唔識D 新歌啦~~~~
台灣大選 真係好刺激, 下一屆選舉時 真係要參加旅行團過去感受下 D 氣氛 (會唔會比人話我係大陸間碟呢)
原本想轉下背景音樂, 但係 真係覺得RIGHT HERE WAITING 好正 , 所以都係唔轉住~~~
以下係我 準備購入既DVD LIST
SEX & THE CITY(聽聞好好笑)
24 (聽聞好好睇)
Malcolm In The Middle (懷疑根本無出dvd)
Spin city (唔知邊度有)
如果各位 有任何好野想介紹比我 , 或者可以話我知邊度有 得買以上dvd 的話 可以 email比我
30/11//2003 各位 以後請 由 http://kingjoke.com 進入本網
新增爆笑片段X1 笑爆嘴 第19頁 有味笑話 第10頁
MATRIX 第三集一上畫就 衝左去睇 睇完之後 個結局都仲係有好多野唔明 雖然我己經睇晒 MATRIX 1 2 3 加埋 卡通 加埋 隻 ENTER THX MATRIX 爆機 但都仲有好多謎 頭上 好多個問號
近半年最鐘意既電影一定係 MATRIX 漫畫就 係 火鳳燎原 GAME 就係高達
生日將近 過左生日就 23 歲 實在覺得 之前既人生浪費左好多時間 呢大半年 學左好多野 吸收左好多教訓 ( 好慘痛) 發現左好多人 將我個 良心 當狗肺 其中一 D 我當佢係朋友既 佢就利用我 面對我時 笑騎騎 跟手就 係我 後面放 毒蛇 另一D 呢對佢好佢FEEL 唔到 不特止 仲食埋人地D 毒蛇 害埋我一份~~~~~ SHIT~~~ 仲有個 賤佬 識我時 扮老友 原來 係黎 搵著數的 正一死PK
當然受既教訓 係唔止咁小啦 但係 對於 天生樂觀既我 呢個世界仍然 係有好多可愛既人同刺激既挑戰等緊我 見識過咁多 個 粉人 我更加要珍惜 眼前既 所有野 仲有我相信 一眾 粉 人 在不久既將來就會後悔 無珍惜 我比佢地既機會
作家 填詞人 林振強因病去世.......我覺得好可惜, 我好佩服 林振強 我覺得佢真係好有料到.......香港又少左一個人才
20/11//2003 ~爆笑地獄 四歲了~~~~ 由於 屋企條 和記 寬頻好有問題, 搞到連 自己個網都上唔到.......更莫講話 想更新了~~~ 四年加起上黎 爆笑地獄既 瀏灠量 有 接近 93 萬~~~~ 真係絕對 多謝 各界支持, 近兩年多左好多 台灣既 朋友 黎睇呢個網~~~~ 我一向覺得 台灣朋友 應該係睇唔明 我講乜 但係估唔到佢地都咁鐘意~~~~ 小弟一直好想 大改 本網既風格 (尤其美術方面) 可惜 由於時間唔許可 莫講話係大改 就連更新都己經好耐好耐無做過 至於 今年係咪 無為個網頁做過野呢? 當然 唔係啦 爆笑地獄 正式有自己既域名 就係 KINGJOKE.COM 啦 以後 想SEND E貓 比我就 SEND去 MAIL@KINGJOKE.COM 仲有就係 以後記得由 KINGJOKE.COM 進入本網
14/8//2003 呵呵~~~~今日好開心啊~~~~~
各位電腦中毒既朋友~~~~ 等我 救下你地啦~~~~ 下載 此 然後執行就 ok 了
10/8//2003 新增爆笑片段X1 (唐先生的故事,在台灣好像很紅,不過香港的朋友在電視看不到啊
瀏覽人次超過 八十五萬了 近來既生活仍然係 做野 返工 做野 返工 好似無停過咁~~~~ 但係有得忙都總好過無得忙~~~ 而且忙之中仍然去左睇 海底奇兵~~~同埋人妖打排球2 海底奇兵幾好笑 但係人妖2 就想死.....完全比佢個預告呃晒......根本就悶到爆炸.....而且 仲要懶 係地道化咁配音.....不知所謂......睇到想走人
非典形肺炎既時候 我掛住搵工, 所以 唔記得左打 一段日記...... 話說香港 不斷 聽住有人講 1比99 意思係 叫人開多D 漂白水去 洗地方......但係 作呢 句野出黎既人 (政府宣傳廣告) 有無諗過 不斷用 漂白水既後果呢? 我無記錯的話 漂白水係 油溶性既.....即係入左人 身體係 排唔返出黎 (我無讀理科,有錯請指教) 而不斷用的話......最後肯定 簡接或 直接令自己 食返晒D 漂白水......到時 乜菌都唔 使 淨係 食漂白水都會死人.........唔該唔好 再亂用漂白水 污染環境
黃子華既 無炭用 VCD 出了~~~~ VCD 裏面既內容 同我去睇 O個 一場好似係100% 一樣.......唔知今次有無 影到我後腦 (我記得我坐第三行)
醒目既人 應該留意到 我網頁其實 係轉左一樣野 呢樣野對我黎講好有意義, 但我呢排 唔得閒, 所以遲D 先大事舖張
RO (93LV)太LAG 無玩.......神話(32LV) 太單調 又無玩.......天堂2 (3LV) 好靚但 太LAG + 韓文唔識玩 似乎近排真係無野玩........
今晚 皇家馬德里對泰國 唔知錄 好定係睇好........估唔到 香港 可以 入到皇馬兩球.....喜出望外啊~~~~~真係好睇......不過講起就諗 返 皇馬對中國時......有一個 好失禮既死肥鬼 走去 摸 碧咸 塊面......真係 嘔心......
原來香港有 900部法拉利(FERRARI) 香港人真有錢......
1/6//2003 哇~~~瀏覽人次超過 八十萬了~~~~~~~~ 實在太開心~~~~~~~~~有好多野想更新放上網, 但係仲未有寄存空間比我放野~~~~希望我短時間內 有空 搞掂~~~~~ 短期內應該 仲會 註埋個 domain !!!
我在近 一個月 有多 全心全意寄情於工作....好多野都唔記得晒 就連戲都無乜睇! 好彩 我在最近兩星期內己經 睇返 MATRIX 既dvd 同埋去左戲院睇 MATRIX RELOADED ~~~~實在 太好睇了~~~~ 一個 打一百個既 一幕 實在 正到拍爛手~~~~~ 我仲己經買左 MATRIX既卡通版~~~ 可能仲會 買埋 隻 電腦 GAME 睇怕呢 次真係 ENTER THX MATRIX 不過套戲 中文名好似 改得唔係咁好, 我覺得最貼切既都係 叫做.....鬼佬打功夫......... D 鬼佬 打功夫 真係好慢好慢......笨手笨腳 如果唔係 靠超大量既特技, 我諗真係會 笑爆嘴!
返工返左一個月有多 基本上都己經習慣 不過成日掛住做野, 真係好多事同人都無理到......希望 無忘記 某D 緊要野啦
7/4//2003 惡夢啊~~~之前uhome 壞左半個月.......搞到好多人以為我 網 關門大吉,跟住.........我失業...........張國榮去世.......好多不如意既事發生啊............搵工搵左一個星期了.......仲未有著落.........慘慘慘........張國榮 應該係我第一個 鐘意既偶像,仲記得好細個時 己經在電視 聽到佢唱歌~~~~佢既去世 令我 幾黯然.......香港又無左一個 真正識唱歌既歌手了.........
爆笑的歌又壞左......但都係等我搵到工先整返佢啦.........近排個網 行得好似 唔多順 同埋慢, 唔知係因為 我既問題 定係真係有問題.........覺得有事既網友 請在留言版 提出........有工介紹比我既更加 要 email 比我
我繼續去搵工 >.<
2/3//2003 新增兩版笑爆嘴(17&18) 第18版 可能要識中文先笑得出
兩個月無更新網頁了~~~新年時候北上探親之外, 都好似無乜節目, 但係睇左好多好多戲同埋書,元旦+生日+情人節都無著落~~~不過呢~~~我有女朋友了~~~~呵呵呵~~~~所以呢排心情勁靚~~~~ 係喎~~~~我在環球嘉年華既最後一日時入場,實在太正啦~~~~太過癮啦~~~~出年 一定要去~~~
可惡的網上遊戲 仙境傳說 白痴既server竟然令我既賬號被人闖入,令我身家 唔見左 7 成以上 無左過千萬.......差d 又令香港 又多一單 因為被偷道具而跳樓, 我寄信去投訴 佢又要我fax 去台灣, fax 完去台灣 又叫我報警 報警前又要 去佢公司簽野,煩到死~~~所以我都係無理到.......唉.......真係 比佢吹脹
屋企仲有好多好多 電 影 電影劇(friends 1-3季) 同埋cd 未聽未睇~~~但 仲有好多我想睇既未買......究竟我幾時先會睇得晒呢?
3 月了~~~將要 面對失業..........香港可能又多一個雙失青年了
29/12//2003 爆笑的歌整返好 新增爆笑遊戲一個 (都唔算好爆笑, 但好玩)
再放多段爆笑片段 相信 香港 人會明白 點解好笑 但段野 唔知人地比唔比放~~~~無估錯的話應係蟲蟲製作室整的~~~但由於時間關係,放上黎 比你地笑下先~~~~我跟手搵返佢個 主網出黎~~~ >>>>>>>按此下載
網頁生日,聖誕,元旦,我生日 己經過左一半, 仲有一半 黎緊幾日就到, 都無諗到有乜好做 又無乜想做, 好凍呀, 手指都凍到 打錯晒字, 累積左好多dvd 未睇 睇怕 今年實睇唔晒~~~~屋企部 hi-fi 播緊 THE POWER OF LOVE 原來真係得廣告賣 O個 幾首歌好聽..........我幾時生日? 你唔知即係無我心啦~~~~~講都無謂
有無人能夠 將錄影帶 過落電腦呢.......我錄左連續兩星期 既笑笑 小電影精華, 真係笑到我反轉 , 裏面有部份 片我網頁都有,例如經典既 馬騮仔, 我好想 整做 FILE 同網友分享, 但我部電腦 同 錄影機 離 九千幾里遠 又無 張 卡 >< 無得搞.......有無人救救我啊?
仙境傳說 己經達到73 LV 獵人了 又開始無乜心機玩........想整個騎士出黎........有無網友在CHAOS 呀? 一個人好悶呀!!
天龍八部又睇埋.......俠客行修讀中
將背景音樂轉左做 RIGHT HERE WAITING
近排經常 哼 起 呢首歌
Oceans apart day
after day
And I slowly go insane
I hear your voice on the line
But it doesn't stop the pain
If I see you next to never
How can we say forever
* Wherever you go
Whatever you do
I will be right here waiting for you
Whatever it takes
Or how my heart breaks
I will be right here waiting for you
I took for granted all the times
That I thought would last somehow
I hear the laughter, I taste the tears
But I can't get near you now
Oh, can't you see it baby
You've got me going crazy
Repeat *
I wonder how we can survive this romance
But in the end if I'm with you
I'll take the chance
Oh, can't you see it baby
You've got me going crazy
Repeat *
waiting for you~
9/12//2002好耐無更新了~~~~一黎因為電腦壞左一排~~~二黎 因為唔知更新乜好~~~~ 而最大原因係我掛住打仙境傳說~~~~我己經有個 LV 70既獵人了~~~ 當然近排都睇左好多小說 例如 倚天, 雪山飛孤, 霸王槍.....等等等等
個網既生日又過左了~~~~遲D 先補返慶祝,爆笑的歌既SERVER又壞左~~~要搵到SERVER先整得返
聖誕 就到了~~~~仲未知 有乜好做 >.< 我生日又仲有一個月都唔夠 >.< 又老餅多一年
唔好吹我啊~~~~我 條懶蟲一走左我就會更新的了~~~~^O^
22/10//2002新增爆笑玩意x1( MONYA)
好耐無更新了~~~~~仍然好多人黎支持~~~~好開心~~~~~回想一下 近排做過乜呢.....有: 打仙境傳 說打到57lv既獵人~~~睇左 陸小鳳--繡花大盜 絕代雙驕 差小小就睇完既 書劍恩仇錄 仲有火鳳燎原最新一期 加多本足球小將 真係睇左好多 好正既小說 尤其係絕代雙驕 真係好鐘意 實在太正了
天氣開始凍啦......又要轉季了~~~~又要買衫......都唔知點死........一諗起要買衫就頭痛
覺得日子過得頹癈.....如果天氣凍時.......可能會更懶.......咁係咪會更頹呢.......唔敢想像
好似好耐無去戲院睇戲~~~~係因為無戲睇 定係無人陪睇呢.......
我icq 個list 己經 超過左五百人了.......好恐佈 好多 朋友仔 我同佢傾完一兩次 而佢又失蹤一排的話......我係絕對會 失去記憶的.....所以 如果 記得同我 係好傾既~~~請在icq 叫下我 提下我 因為好多時 我真係 少年柏金遜的
今日報紙......李登輝公開 話 釣魚台 係日本的.......呢隻野 究竟應該話佢係 日本狗 定係 漢奸呢.......連日本都比佢咁講野嚇左一嚇......呢條友真係掂.......但台灣 既領導人都唔差.......今日有隻野 又公開 支持呀李奸狗既 說話~~~~當然即時被人 評擊啦......但佢地 個腦 諗乜 我真係 完全唔明......可能構造唔同......
28/9//2002新增爆笑玩意x1
在仙境傳說既討論區睇左段幾好笑既flash 所以放左上黎~~~D 慘叫聲好爆笑~~~我聽左十幾次啊~~~~ 仲有仲有~~~上次段交通守則都好多人鐘意~~~~無睇既記得去睇返
瀏灠人次過六十萬了~~~~~近排我無乜更新.....但都仲有好多人黎~~~~我實在慚愧(流汗中)
絕代雙驕睇左 七份之二 好好睇啊~~~~ 但係仲未借到跟住既期數....所以又睇緊書劍恩仇錄~~~~仙境傳說 我仲差50%就 成為獵人了~~~~呵呵呵
漏左D野唔記得講~~~~大約一個月前 唔知D 乜人 搞派米比呀婆~~~~表面睇黎好似 做緊善事咁.......但係 我睇新聞報導見到D呀婆~~~又跑 又仆 又暈埋......而且佢地派既係 八公斤裝既米......試問佢地又點拎呢........如果真係要做善事,就送埋上門 或者 幫呀婆拎返上樓啦 唔該
17/9//2002新增爆笑玩意x1
仲未知道究竟係邊期teens~~~~唉~~~~~煩~~~我竟然睇左齣韓片 火山高校......仲以為會打得好激......點知 一d都唔過癮.......再加埋 套幽靈刺客2 就仲死......d 打鬥動作雖然設計得好有型,但係d 鬼佬同埋個黑人主角,又慢又鈍,打得一d都唔好睇~~~~仲要以為自己好有型.......終於明白香港既動作片其實真係世界第一......仲有一個原因又令我明點解成龍在外國咁受歡迎,佢戲裏面永遠唔會亂殺人~~~下至卒仔 上至幕後黑手~~~但係d西片 主角,只要 一被人迫害 ,就會去報仇~~~然後周圍殺人~~~我覺得片中被殺既卒仔 好無奈.....因為佢地只係打份工......但 主角又要殺埋佢....好無辜
近排成日比人吹我更新.......好苦啊~~~~又要返工 又要游水 又要打機 又要睇小說 又要早訓.......連我最想做既野(追女仔)都己經無做到 咁你話我邊有咁多時間搵料呢~~~~唔搵料我又點更新呢 >.< 有無人救下我呀???(最好係妙齡少女打救我)
睇左Britney spears 既演唱會dvd 哇~~~睇到我差d 噴鼻血~~~ 原來佢都跳得兩下~~~ 唔係淨靠個樣~~~~好過香港d 嘔像派好多~~~
(瀏灠人數己達59萬4千人了)
9/9//2002 請問有無人有睇teens(雜誌) 前一排有一個網友話係睇雜誌見到我網,但我又搵唔返佢問 究竟係第幾期~~~~有無人好心答下我呀? 如果各位在任何報紙雜誌見過我網,勞煩通知小弟, 十萬個感謝
2/9//2002 新增爆笑玩意x1(MONYA)
好比心機去游水~~~~越黎越唔鐘意游室內泳池, 又細又多人~~~成日比人踢中 -.- 慘~~~!
RO升得好辛苦呀~~~又LAG喎~~~~弓手升到38LV就 無乜心機玩了.......
25/8//2002 新增爆笑的GAMEx1(小小系列)
我公司有個大叔(我以佢做實例,實際上我公司好多人同佢一樣) 經常彈(彈=批抨) 中國既人、事、產品 佢又成日同人講，自己唔係中國人 係香港人........仲以為自己好醒好威 成日同中國劃清界線,仲整埋自己個仔去外國讀書.......經常話中國人無用,香港唔還返比英國咪好囉........哇,佢既所作所為........令佢堪稱國恥呀
前之鄒靖叫我幫佢作文,咁我宜家順便作啦 等佢自己copy
首先,話自己係香港人 而唔係中國人,比人聽到一定笑到 入院,香港係中國既其中一個特別行政區,即係好似深圳咁,咁你會唔會同外國人講 我係深圳人呀? 又即係你會唔會話自己係中環人呢? 唉.....仲要以為自己好醒......
跟住,自己既國家就好似自己既媽媽咁,細個既時候比媽打得多,話憎媽媽或者唔鐘意唔出奇,因為到人成熟既時候就會識得考順,但係有d人一直同自己媽媽作對,我好憎一D走左去外國 然後不斷在外人面前抨擊中國既不考子,D死鬼佬就梗係對你好啦,有你個漢奸幫手我唱衰中國,何樂而不為,情況就好似呀媽打仔,然後個仔走左去隔離屋李太度,而李太又好想乘機攻擊媽媽,咁佢當然會收留你,同埋叫你出力鬧你媽啦........我見到佢地真係心痛.......換個角度睇,你連自己國家都唔考順,仲抨擊佢,咁你又點叫你既下一代對你考順呢,更甚者整埋佢地去外國讀書,唔好聽講句,佢做不考子都係你做成既 唔好冤......
最後一點比較具爭議,我只係略略講小小,香港今時今日既衰退,有好多人歸究於現今政府,而且認為英國殖民時代更好.........當今香港政府的確唔係好,我唔打算為佢講好說話,但係香港今時今日既情況,絕對係同英國政府有關,首先...英政府於多年前樓市高峰期並無作出任何政策去壓止,令到樓市形成一個大泡沬,因為佢地知道到個泡爆時佢地己經走左,有錢(稅)當然要搵,所以佢地好比心機咁吹大個泡,跟住輪到亞洲金融風暴,美國一向想對付中國,但係由於香港仍然係英國既搖錢樹,所以英國 唔肯同美國聯手(暫時) 但到香港回歸,英國就企埋去美國既一邊,我睇過一本書,作者話金融風暴發生時 彭定康隻船都仲未到目的地(佢去度假) 當彭定康離開左香港 在船度打電話返老家,金融風暴就黎料~~~~所以唔好成日以為英國當你係仔出本BNO比你 佢係當你係仔呀 傻仔丫麻~~~搵多你一筆呀 白痴仔
死啦.......越打越過癮,打左咁鬼多字添......好無收返埋呢段野呢,比呀鄒靖弟弟睇下先~~~希望佢滿意啦
16/8//2002 尋日係日本戰敗投降五十七周年紀念日,班日本畜生狗官仲夠膽死走去靖國神神社參拜\ . / 仲要係一大班人 裏面有前首相 下任首相大熱人選 同埋一大班高官,而 剛巧 我塊留言板 有人留言 鬧我對日本人既態度, 唉......對住d咁既人....對自己國家既歷史係無興趣 還是 當無到呢? 唔使講太遠,今時今日既香港,都仲有好多受過日本仔苦既老人家健在啦......有d 拿住d 軍票 喊....有d被迫過去做慰安婦,睇新聞時,仲話內地搵到個呀婆,比731部隊拎過去做實驗 隻腳搞到不似人形 而仲未死添..........唉......國仇家恨........怎可忘
頭先睇報紙時 順手 copy小小野落黎啦~~~~記住 以下只係 一小部份
日 軍 二 戰 時 罪 行
． 侵 略 亞 洲 多 國 ， 共 導 致 約 二 千 萬 人 喪 生 。
． 在 中 國 策 動 南 京 大 屠 殺 ， 殺 死 30 萬 人 。
． 731 部 隊 在 中 國 東 北 以 活 人 做 細 菌 實 驗 。
． 強 徵 軍 妓 ， 迫 20 萬 婦 女 當 「 慰 安 婦 」 。
． 奴 役 外 國 戰 俘 ， 包 括 強 迫 在 泰 國 興 建 桂 河 橋 。
嘩~~~我網己經有五十六萬瀏灠人次啦~~~~但我仲未諗到update乜好-.-
12/8//2002 好耐無update 真係唔好意思~~~我一黎唔知up乜好~~~二黎掛住打online game~~~仙境傳說(ragnarokonline) d公仔好鬼得意啊~~~我在第一個server做緊弓箭手~~~玩左兩日有十五lv~~~但見人地己經廿幾/ . \ 痴線的~~~有無人救濟我呀~~~好窮呀
終於睇左今期火鳳燎原了~~~~又有排等~~~真慘
本創龍傳仲未等到 -.- 估唔到圖書館d書都咁多人等
3/8//20021睇左一家之鼠超力仔2(stuart little2) 既唔配音版,可能因為我又比d報紙影響,所以估佢會好好睇~~~~但我覺得開頭都幾悶........好彩個結局又刺激返~~~~到完場時,見到幫主角配音既係Michael J Fox 咦? 奇啦 莫非係我既偶像? 但佢唔係患左柏金遜而在家休養的嗎? 但諗真d 把聲又真係佢喎~~~~於是就即晚上佢個網睇睇~~~原來真係回到未來既 Michael 配音呀~~~配得咁生鬼~~~即係無事啦~~~~呵呵~~~~可惜 個網一大段英文唔知佢講乜~~~~我一定要搵埋翻譯晒佢~~~~^o^
前晚訓到成隻死豬既我~~~竟然比雷聲嘈醒~~~~在我記憶之中好似係第一次 比雷聲或雨聲嘈醒既~~~~d 電聲真係好恐佈~~~~又密又嚮~~~好似個天發嬲咁~~~~可能有人激親佢~~~~好彩我都無乜做虧心事(無乜即係有?) 所以都好快訓得返~~~~^o^
可惡~~~~個server 又死左~~~~hk.st 又唔比人 改位~~~搞到 kingjoke.hk.st 死左幾日~~~~好煩~~~~睇怕都要破財買返個 得金 (.COM) 但用咩名好呢~~~又會唔會己經比人用左呢~~~~有無人有好提議呀~~~爆笑地獄應該用 乜野.COM呀????
我又做左D衰野~~~~撘輕鐵時我面前有個空位~~~有個唔妙齡既女士想走埋去坐~~~我竟拍左佢兩下~~~叫佢 讓比呀婆坐~~~~嘩~~~~我實在太過份啦~~~~~~實在過份好人呀(自己讚自己) 究竟我幾時會比人打呢?~~~ ^O^
30/7//20021原本係尋日update既~~~~但突然發生左d 事......令我雖然打好晒字,但都唔去upload~~~~究竟係咩事呢?~~~~究竟我十年八載後見返呢斷字~~~~我會唔會記得係乜事呢?
29/7//2002新增爆笑的GAME一隻
近日突然愛上玩過河既IQ游戲,所以UPDATE左一隻人地SEND比我既過河GAME
我近排 做過乜黎呢? 點解諗極都諗唔到 莫非我 乜都無做過........係就死啦~~~咁鬼頹癈~~~~遲早痴線
突然有樣野想講,雖然可能會比人炸板~~~但都一樣想講
我覺得王喜好嘔心,極之乞我憎~~~~本身樣衰唔係罪,但佢又唔識做戲,又無表情,講對白時好似讀書咁.........仲要經常都做一d 懶熱血型既主角,唉~~~~點解仲要成日做主角......實在係大眾既不幸.......方中信咁有型竟然唔紅........王喜竟然成日有戲拍...........莫非所有人盲晒?
23/7//20021前幾日睇左我左眼見到鬼.......悶到我差d 反轉~~~~好垃圾呀~~~~~跟住 仲走去試食M記既飯 D咖喱汁好難食........D菇汁都還好......
星期日做左傻仔.............真係好傻........點解我得閒就會傻一傻........莫非我好蝦D ?_?
仍然有去游水~~~~總算有返小小運動~~~~(一星期一日咁大把)
點解我成日燒死碟............係咪連電腦都蝦我
就黎睇晒古龍既歡樂英雄~~~好好睇呀~~~又好笑 又感人~~~~睇得多古龍既書令我學識笑^_^ 無論幾時都好~~~~笑總係好過喊~~~~雖然可能係苦笑.......
仲有好多戲想睇呀~~~~~未來報告~~~MIB2~~~~超力仔2~~~~好似仲有~~~~仲又唔記得LU~~~~~我仲未睇千與千尋~~~~~但又唔想買~~~~~咁點好呢~~~~?_?
16/7//20021近排無乜特別事發生~~~~就係因為無事發生先悶~~~~每個星期都有去游一次水~~~唔多夠~~~游多日就好啦~~~ 睇左52集 one piece 既dvd~~~~仲有做過d乜呢..........仲剪左個短髮啦~~~~突然小左咁多頭髮,好爽!!!
9/7//20021新增爆笑的GAME一隻
仲未有野想講
2/7//20021無心機更新啊~~~~有好多野想講.............但又唔知點開口..........唉.......心酸
19/6//20021終於五十萬了~~~~
好煩啊.....好多人偷link......server尋日又down左 煩上加煩,誰有網頁寄存空間介紹 提供 甚至讚助啊? 我好需要呀.......無空間我又點update 更多爆笑野呢.......
近排被網頁空間既問題困擾,睇左好多間網頁寄存公司都未有合心水的......一係價錢太貴......一係驚佢成日down......我又會問下自己,點解要拎錢出黎整網頁.....整左個網出黎又要更新,又要修復........莫非我拎錢出黎買空間係為左方便其他人偷我link? (今日又發現多一條友偷link) 好煩啊.......最慘係好窮啊......part-time 又未搵到......唉 苦苦苦
18/6//20021新增爆笑玩意x6 (MONYA 2集 我愛蛋蛋4集)
更新時,仲差小小小就夠五十萬瀏灠人次,嘩嘿嘿嘿 半個一百萬了~~~好開心,在爆笑地獄出世既時候,無諗過會有咁既一日,有半個一百萬對我黎講己經好滿足了~~~為左慶祝 爆笑地獄五十萬瀏灠人次 加埋日本輸波~~~一定要update一下~~~嘩嘿嘿
睇左幾段蛋蛋既flash~~~~好正啊~~~~d蛋隻隻唔同 仲有得變身~~~~好正呀
server又down左啊......請用hey.to/kings 進入本網
14/6//20021 網頁DOWN左一日,好慘........唉~~被迫要 拎錢出黎放網頁.....可憐我網係無收入的呢......各位記得 KINGJOKE.HK.ST 入唔到的話 就用返HEY.TO/KINGS
突然想講返一件舊事,相信各位仍然記得趙薇因為著日本軍旗服而被人淋屎既事,好多人覺得反應過大.......起初我都有咁既感覺,而且我一向覺得趙薇唔錯,但想深一層......佢身為一個大學生,應該深知 日軍侵華時既暴行,但仍然著上軍旗服實屬大罪,尤其在老一兩輩既人眼中,更加係罪大惡極,因為佢地身受過日寇既蹂躪,可能有某D人仲係好鐘意趙薇的,佢做出咁既事會令佢地更痛心,我一向好憎日本佬,唔單止因為佢地自大加殘忍,仲好憎佢地做完唔認,當時佢地日本既報紙都有圖文並茂地報導日軍在南京的殺人比賽(鬥快百人斬)但佢地仲可以唔認,仲可以話南京大屠殺係虛構的.........
各位如果仍然係唔明 究竟中日有乜大仇,請在各大搜尋器 打出以下字眼 日軍暴行 日軍侵華 731部隊 南京大屠殺.......等等 就一定可以知道返好多你應該知既事
10/6//20021 新增爆笑玩意x2 (MONYA 3&4<---用回韓國主頁LINK)
嗚.....中國隊出線無望了,雖然輸左四比零,但我唔覺得失禮,如果排出 9:0:1 陣式的話 就真係可恥,國家隊 攻勢不小,就連第一個射門都係中國隊的~~~~但最唔抵既係 陣中多個主力 因傷缺陣..........我好想睇楊晨啊~~~~
今日著新杉返工~~~~我覺得套杉太大.......大左兩個碼(有專人培我買的) 條褲又大左一個碼.....好鬆...........著左件咁大既杉.......就算唔著褲都得@@ 我覺得衣不稱身......好核突.......其中一個人同我講 { 唔長~~~件杉唔算長啦~~~宜家潮流興衣不稱身丫} 佢講得對......潮流真係興衣不稱身.....但係唔使查字典都知衣不稱身係 貶義詞啦.......竟然咁都算潮流........遲d 會唔會興不知所謂呢? 又唔知會唔會興 食屎~~~~越食得多越 in 越有形~~~~唉~~~~好彩我一向都好out~~~~唔知你又唔會唔跟風呢?
你地知唔知點解興衣不稱身呢? 我就唔知啦.....但我知點解 黑人著鬆身杉褲~~~因為佢地以前太窮~~~~無乜錢買杉褲~~~~所以 每次都買大幾個碼~~~~貪佢地可以著多幾年........但點解會變潮流呢?~~~~我又唔知啦~~~
5/6//20021 嗚............中國隊輸左呀~~~~好唔開心 / . \ 希望 黎緊既比賽會有好表現啦~~~加油呀~~~~~
諗起世界杯,就諗起 四年前 既世界杯主題曲 Micky Matin 唱得實在太正~~~李克勤 既球迷奇遇記 亦好過癮~~~~但係........今年首 就差d啦.......不過,都好過黎明首 衝鋒陷陣.......個歌名好有氣勢,但係.........唔知佢唱乜,好嘔心,好難聽,同佢平日d 歌 無分別,完全無任何足球feel~~~~ 完全唔明 邊個搵著佢黎唱.......睇雜誌 見佢 著籃球鞋 錫波個樣 -.- 唉........首歌仲要係 中港台三地 既主題曲.........黎明加雷頌德.......果然絕
(原本己經整好再放上MONYA,但係中國隊輸波,無心機)
2/6//20021新增爆笑玩意x3
由於未有新既網頁存放空間,而且有網友於留言板提出不想下載檔案,所以今次新增的爆笑玩意 會直接使用韓國postnut.com的連結,今次放上的名叫monya,牠擁有天使的面孔,魔鬼的尾巴,又可愛又爆笑 先放上頭三集,現在好像 出至第六集,各網友喜愛的話 將會陸續送上
30/5//20021電腦壞左好耐......終於整返~~~過幾日先更新........
四十八萬瀏灠人次了~~~~
近排不斷睇古龍既小說,楚留香差不多睇晒了~~~~我下一書想睇陸小鳳,希望圖書館有啦~~~~
呢兩日又睇埋 窪之內英策 既 天外福星,幾好睇啊~~~~好懷念以前既 單身宿舍連環泡 又好睇又好笑,最緊要係無低級趣味
跟手又再睇埋 ONE-PIECE (海賊王)既第一期 近排睇左唔小書啊........
30/5//20021電腦壞左好耐......終於整返~~~過幾日先更新........
7/5//20021睇左GG俠,好累~~~明天更新 ~.~
29/4//20021新增爆笑的歌一首(由jammy)提供,建議謝霆鋒fans 唔好聽,因為歌詞極串,我怕被佢d fans 洗板
整理左我的秘密,尤其係我的威水史,己經將我所知既雜誌報紙介紹全部放上,如果各位在其他報章見過小弟網頁蹤影,煩請通知
21/4//20021新增爆笑片段x1
尋日先睇我老婆係大佬,雖然係遲左d ,但都總算有睇,套戲我覺得只係普通好笑,但我身邊條友就話超正,反而我覺得套戲打得幾有型格,可惜小左d....如果再打多d就好了
今日新增左一段flash 片,雖然唔係話好好笑,但實在整得好正,好型,背景音樂一流,如果我都有咁既實力整到.....就好了.........(發夢)
天堂開左新server,我又想玩ro......又買左套水滸傳dvd........究竟我做得邊樣......淨係整水滸傳都起碼要40小時先睇得晒............點解無女友都會咁忙ga.............咁我仲邊有時間識女仔@@(差D唔記得仲有創龍傳小說未睇晒)
可惡~~~塊留言板星期六 日先黎壞~~~~該死
9/4//20021新增爆笑片段x1
睇左冰河世紀,都算唔錯,幾好笑,有d似史力加+怪獸公司,但畫功就無咁靚
2/4//20021辛苦,好辛苦.........暫時未諗到update d乜好......搵緊副網主幫手,希望有能人異士能出手相助.......睇左 男人四十,不愧為得獎電影.......悶到我死死下...............不過林嘉欣真係好正~~~~我好鬼死鐘意^^
24/3//20021有小小傷風,真陰公........各位,你地搭公共交通工具時,見到長者,大肚婆,同埋其他有需要人士時,有無讓坐的呢? 我就好樂意咁做既,但係......好多人唔會咁......前幾日搭輕鐵時,見到有一個位有人落車,然後一個禿頭大叔趕住跑埋去坐,在佢坐低前,佢仲望見佢身邊有一個阿婆.......當然,佢係扮睇唔到照坐,而大叔身邊既大叔,亦都扮睇唔到,繼續坐住睇報紙..........睇見佢兩個既嘔心所為真係好想重拳重腳加多個昇龍拳,莫非坐小一陣會死?還是會爛腳? 差不多每次搭車都會見到有人爭位坐或者跑去空位坐,淨係今個星期,己經見過三次好笑既事(以上係其一) 其二係 一男一女爭位坐,男既贏左,然後大家互相用粗口狂鬧對方,完全無內容,只係粗口互鬧........其三係朝早搭車時,身前既人落車,位子空了出來,後面師奶見我無打算坐,於事想走入去坐,但我立即用patpat頂位,佢無奈地想由另一邊入,但我再阻住佢,當佢再度無奈之際,我叫一聲(阿婆,過黎呢邊坐啦),師奶立時無奈.....眼白白睇住阿婆坐左佢個靚位,可惜既係 佢無在我叫左阿婆過黎坐時爭位,否則我可在咁多人前大叫~~~~~師奶,你無野下話? 同阿婆爭位?
各位在坐車時,記得要讓位比有需要人士,如果見到有人同大肚婆或阿婆爭位,記得大聲叫~~~~你無野下話?
22/3//20021 四十萬瀏覽人次了,多謝各方好友支持
15/3//20021新增爆笑片段x2(小,多謝小系列) + 雜誌AGE的介紹
呵呵呵~~~~爆笑地獄又上雜誌了~~~~今期AGE 登左我個網既介紹~~~真開心,近幾次有書登我網頁都係在我無乜更新既時候.........真慚愧,好多謝通知我有書介紹我網頁既朋友,否則我又會變埋無知小羔羊
我向各位推廌一套好漫畫,課長島耕作+部長島耕作(我覺得係連埋的),本書係好好好多年前開始出的了,細個時見到本書既封面同埋書名估佢會係好悶,但在一次偶然機會下,睇左一期.......就發現原來唔悶啊~~~~仲幾好笑添,但係......當年既我仍然無得睇晒全套,因為本書未夠18歲唔睇得啊~~~因為部長時期既島耕作比較多艷遇,所以兒童不宜,我仲剛剛發現課長島耕作曾被改編為電影(好想睇啊) 主角島耕作是個忠誠又單純的上班族，認真並熱愛他的工作，接受安排，卻不涉入派系.........此書道出一般白領的辛酸及無奈,以我記憶課長出左十七期,部長出到十二期(未完),又要我苦苦等待佢出......真陰公
瀏灠人次己有三十九萬二千了~~~就黎四十萬啦~~~~~
10/3//20021好累啊,好累,近排重新睇多次稻中乒團,仍然係咁好笑,仍然係笑到我反轉瀏灠人次己經有三十八萬六千了,小小系列出到第八集,但可能之前佢做得太好了,所以覺得新既好普通.........唔知放唔放上黎好
3/3//20021server 壞左,file部份file 未能download,敬請原諒
28/2//20021新增爆笑片段x2(小小系列)
新增爆笑好耐無更新了 實在諗唔到有乜整,個人好呆啊,做乜都無乜心機,好頹......死啦 點解會咁.........
實在太out了........原來小小系列己經出到第八集,我只係睇(玩?)過四集,不過第四集一d都唔好笑,所以無放, 我真係好耐無睇網頁了........越來越out
14/2//20021新增爆笑玩意x1
幾經辛苦,終於比我買到嚦咕嚦咕新年財既戲飛, 套戲真係勁好笑,笑到牙都軟埋,好正,一定要睇呀,不過.....唔識打麻雀的話可能唔識笑,因為套戲好多時間都係打麻雀
今日情人節,不過我無情人陪,所以成日都無出街@@ 悶死/ . \
今日整多套拉麵妹既flash 雖然係聖誕既,但係都幾有feel
12/2//20021新增爆笑玩意x1
恭喜發財,恭喜大家都發財,今日原本打算去睇華仔套戲,點知買唔到飛@@ 爆到七彩,真係唔知幾時先有得睇
今日新增一段韓國既flash 暫且叫住佢做拉麵妹,佢同古惑兔一樣係韓國製品,而宜大家既行為一樣出位,而且佢有一位忍者男友,如果大家鐘意既話會繼續放上
仲差小小就三十六萬人了 呵呵
10/2//20021 增爆笑的GAME一隻
尋日一連睇新兩套戲, 天下無雙 加 怪獸公司 天下無雙有好多明星,尤其有我最愛既梁朝偉,諗住會好好笑啦,點知..........套戲一路睇一路想訓又想嘔@@ 簡直係無聊到極點,果然......再一次證明,睇王家衛既戲等同自殺,唉! 不過,我入場前無乜期望既怪獸公司好好睇,好好笑,笑到想喊,真係好正怪獸公司一定要睇,保證話正(尤其係妹妹仔@@) 仲有套華仔既戲留返新年時先去睇,希望唔好又中招啦!
3/2//20021 大日子,本網今日正式轉用server,不單止速度快,最緊要係我會有更多空間放置爆笑禮物,而提供空間既正係天才清同佢既網頁,各位一定要多多支持佢呀^^
為左精簡網頁,笑爆嘴再度修輯,由二十板變為十五板(人地更新網頁會增加笑料,我更新網頁竟然係減料@_@ 勁!)
27/1//20021 新增笑爆嘴一板 <-------按此進入
由於網頁內部裝修中,所以最新一板更新要按上址進入
好耐無新增笑料了,近期仍然忙於為網頁同自己瘦身(晚晚都有做situp),發現網頁既file又多又亂@@ 搞到頭都大埋,唉......陰公
前幾日,有個師奶掛住個名牌在頸上,我發現個牌上面好多古惑兔既貼紙,好得意,跟住個師奶就話:咩呀?未見過呀? 賤兔呀!..........我忍唔住爆左一句: 你就賤! 個師奶再話:我話隻公仔呀!唔識野! 我當堂呆晒,無應佢就走..........
試想一下,你會唔會買隻公仔叫賤兔,賤鴨或者係賤人既玩具比你個仔女玩呢?唉.....越黎越憎個賤字.....
23/1//20021 原本想update笑爆嘴,但係想整理好先,我仍然好努力咁為網頁瘦身,將唔掂既,唔好笑既都全部洗晒,希望可以做到簡而精
6/1//2002轉左新髮型,仲未睇慣自己個樣,仲係覺得好奇怪@@,由於我覺得個背景midi好嘈,所以都係轉返以前個天空之城
13/1//2002 近幾日sina.com.hk既首頁就見到爆笑地獄既推介,好開心呀,不過亦都比左d壓力我..........我好耐無好似以前咁好比心機,放盡時間去整網頁了,睇黎我又要重出江湖啦!!
我又想改板面了......有無高人伸出援手呀?(幫下我這個可憐的美術白痴)
8/1//2002我好鐘意一首歌,我覺得歌詞好有共嗚,暫時用佢做背景音樂
你愛我像誰
(張衛健主唱)
我什麼都沒有 只是有一點吵
如果你感到寂寞 我帶給你熱鬧
為你繞一繞 沒什麼大不了 卻可以讓你微笑
其實我很煩惱 只是你看不到
如果我也不開心 怕你轉身就逃
愛上一個人一定要讓他相信 這世界多麼美好
對每個人都說還好 我的心我的情你不需要明瞭
只要我對你好這樣的溫柔你要不要
其實你愛我像誰 扮演什麼角色我都會 快不快樂我無所謂
為了你開心我忘記了累不累
其實你愛我像誰 任何表情我都能給
Woo 在你身上學會流淚
7/1//2002 新增爆笑整蠱x2
我好鐘意我收到既生日禮物呀~~~~多謝!!!!我睇左哈利波特啦~~~~真係唔錯,幾好睇!!
唉.........點解?點解d香港人咁鐘意跟風??點解mashimaro係都要叫賤兔?? 點解突然咁講?
某日中午,有一位女同事拿出一隻mashimaro既公仔~~~然後一班大姑就話----好可愛呀!佢叫乜名呀? 然後又有一位大嬸大叫-----賤兔丫麻! 大姑們聽到後,全部既反應都係-----乜個名咁衰ga? 我無出到聲,我唔知點答佢地,賤兔--個名真係好衰........每當我見到少女們見到mashimaro而笑住叫,嘩~~~~賤兔呀!!好得意呀!!既時候,我個心就好酸.......我有時甚至想講一句-------你呀媽就賤!(嘩~~~爆粗)
1/1//2002 剛剛倒數完,各位新年快樂,我聽日生日lu,但仲未有著落,仲記得舊年生日病到九彩,今年總唔會差過舊年掛,部電腦好多野要入返,過埋生日先update啦
前兩日有人黎炸板啊.......其實我諗住在1月1日轉新留言板的,不過見到有人留言支持小弟,所以唔捨得轉住 ,好耐之前己經諗過,爆笑地獄有無存在既價值........諗左好耐,最後我都覺得,我網頁既存在對於我既一班網友同埋想笑既朋友都一樣咁重要,我仲想重申,我無講過網頁裏面既file係我自己整既,唔好話我呃人,但我可以肯定咁講,網頁內面所有野我都有親手整理過,我唔係李力持,我唔會改小小野就話係自己原創,不過......好多笑話經過我自己小小既修改(有d係聽完,然後自己打字打返出黎)咁....你地話如果在其他網頁見到一式一樣,而且仲要 係一樣排板排序又點解釋,仲有既就係,我可以好自豪咁講,我網頁有既,唔代表其他網都有,好多朋友會用icq 同埋e-mail, send佢地所錄製或scan出黎既作品,又有外國既朋友會forward一d好笑既e-mail比我,當然,人地睇完copy走 咁就大家都有啦,但係.......請想打擊我既人,睜開你既眼睛睇清楚,我係幾時放上網,人地又係幾時(我開始唔知自己講緊乜啦.......係時候收聲,睇唔明上面段野既唔緊要,因為我仲未訓醒,我都唔知自己打緊乜)
最後,我要show一show我既戰績了,我深信各人既眼睛都係雪亮既(得我唔係,我覺得我好盲)
請按以下連結
星島日報 110期e-zone 第十三期internet life 101期PCXPRESS 第60期pchome 117期PCXPRESS
得到網友既支持,再加上鼓勵,我有一個壞消息宣佈,爆笑地獄仍然未倒閉,未來一年繼續笑爆嘴
突然想講.........我真係發現有好幾個網頁,每次我upload某些應該無乜人有既野時.....佢地都會在幾日內有........仲有.....我真係見過有網頁既笑話,同笑爆嘴既排法一樣.......再者......連我既錯字都copy埋..........(我成日打錯字,不過我有個老友專捉我錯字......好強) 雖然我都無乜理佢地........但我又突然好想講喎.............講完啦
差d唔記得講........我睇左麥兜故事啦,不過........電影前半段係故事書既內容同埋一d 類似mtv既野,都好好笑,點知....到後半段.......故事氣氛變得好似好唔開心......我唔知佢原本想點.........想感人? 我係抱住入去笑既心態入去睇........起初的確笑笑笑(因我無睇過故仔書同佢網頁,但我知內容差不多) 但最後既三十分鐘的確令我好失望.....................有無人話我知千與千尋好無睇呀??????????
