暫時唔知寫乜好

唯有寫低我個ICQ同E-貓係度先啦

ICQ:39850420   

E-貓:king@kingjoke.com

爆笑地獄的由來:

小弟天生係一個好事多為、見義勇為、日行一善、和藹可親.......(下刪一萬五千六百一十七字,不包括標點符號) 既人.

有一日,係地球既某個角落,我......找到了生命中最重要既人──白老鼠一號(暫稱)   同佢一齊既日子真係好開心,但係開心既日子並不長久.....有一日,佢突然同我講 "我地唔可以係埋一齊" 嘩!應呀,成個人即時想死呀,唔係,係直情死左.......但係又有一日,佢突然又搵返我,開心左幾日,又唔見左,如是者唔知幾多次........亦即係我唔知死左幾多次.最唔甘心既係,佢每次同我講分手既原因,都唔係話唔再愛我呀,唔夾呀之類,而係話有另有一個人比我更須要佢........咁我呢?我又無事既?我無左你又得既?其實咁樣算係理由定係藉口呢?

我好似講左好多無聊野,其實仲有好多,不過驚悶親人,所以都係收一收啦.每次我被飛後,都好似死左咁,對於我黎講即係落地獄啦,所以我就整左個爆笑地獄出黎啦,咁每次被飛時,我都會走去爆笑地獄度,幫佢更新,有留意的話就知,我既聖誕節就係 o係地獄度過ga啦.

點解試過咁耐唔更新?

之前講過,比人飛就落黎更新,咁我咁耐無更新.咪即係無比人飛?   yes! 我真係好耐無比人飛,我以為我以後唔使再落地獄,我以為我以後可以留係天堂,點知.....我又返黎啦.......

待續?

爆笑地獄一週年

我好開心,估唔到我真係整到個網頁出黎,而且仲未關門大吉,真係好開心呀,好多謝一直以黎支持我既朋友,得到別人既認同令到我有更多既動力去繼續整好爆笑地獄既,最開心係見到網友留言支持,而且做這個網頁也令我識到一班朋友呢,不過我寫網頁既技術始終不精,而且更加係美術白痴,經常因為字型和顏色搞上大半天,但到頭來仍是不好看,到了今時今日本網也未能有自己的聊天室....等等~~~都是我個人修為不足所致.....

大事回顧

爆笑地獄曾因為私人問題而停止更新一段時間,如果唔係自己衰,可能可以在一週年記念時過十萬人瀏覽..而本人亦因質量問題而把每週更新改為不定期更新..最難忘既當然係爆笑地獄見報啦~~~而且在這一年之內,本網亦曾被雜誌介紹(其中最開心既係e-zone同埋pcxpress 既報道,因為我以往有睇這兩本雜誌)不過每次我都係最遲先知既一個...爆笑地獄既logo面世亦都係我所預料之外,全靠有人幫我,否則不知到何年何月才有自己的logo

重大決定:8月6日 我決定取消每星期更新一次lee家野,係因為我掛住每星期更新,而望記左好多野,我太貪心.....我掛住將網頁不盡擴大,但忘記左我一開始整網頁既目的,我希望將爆笑地獄變返以前咁....簡而精,每一樣野都係要爆笑既,唔似得宜家咁,又多又亂.....我唔需要一個好大,好多人睇既網,我只需要一個人人睇完都笑既網.....這才是真正的爆笑地獄!

超級開心：第110期e-ZONE登左我個網出黎，好開心！　我以前都有睇開ｌｅｅ本習雜誌ｇａ，點都估唔到連佢都會登到我個網，實在太有滿足感啦∼∼∼

開心:上星期個網上報紙,當然係超級開心啦,咁仲不特止,有條友仔係icq同我講,其實佢係o係本雜誌度見度我個網,所以先搵到黎,不過佢條死仔又話唔見左本書(叫online喎)搞到我都唔知係堅定流.如果各位係d乜野特別既地方見到我個網,記得話我知呀!