新增爆笑片段x225/12//2001 新增爆笑的GAME X 1
聖誕快樂~~~~~~~~各位聖誕節快樂嗎? 我平安夜既節目就係同周公過,己且玩左十二個鐘-.-" 真足實,聖誕其實同我無乜關係,只係多左幾日假期同食左一餐,所以我都唔知要慶祝乜@_@ 不過既然人人都咁開心,我都放隻同聖誕有關既game 我網頁剛剛出世時,都放左一隻聖誕老人既保齡球遊戲, 今次放既似乎係續集
剛剛睇完華仔主演既愛君如夢,齣戲既名好老土,張海報就更老土,但係.......齣戲係好好笑ga,絕對值得推介,一定要睇啊,有無人話比我知麥嘜好唔好睇呀???我想知呀!
18/12//2001新增爆笑片段x1
好耐無update了........唔知點解無乜心機更新.......而且無乜野比我update上黎,唉~~~~~點解會咁ga? 我網頁同我個人一樣,近期變得好悶好悶,而且無乜特別事發生,日日都係咁過...........唉..............(今日上載左一段馬騮打功夫,好勁!但檔案較大,比心機下載吧!)
8/12//2001 新增爆笑玩意x1(朱古力古惑兔)
開始刪除唔夠好笑既爆笑禮物,希望多出既網頁空間夠我放軟硬電話整蠱啦
好悶呀~~~~~~~救命呀!!!!!!!!!!
討論區整返好了~~~~~睇佢幾時又壞過
5/12//2001 好呆,個腦一片空白.....完全唔知自己做緊乜.........好自閉.......點好........討論區壞左......遲d先整啦............
25/11//2001爆笑地獄兩歲了,承蒙各位支持,本網仍未關門,在此小弟衷心多謝各位仍然不離不棄支持我這條懶蟲,今年好似無做過d乜野咁,好快就過左,太悶了,身心都好空虛,大肉腳傳整左一年都未出世.......我難辭其疚,最主要既原因係最好既一批相無人幫我scan,而身為窮神使者既我.....當然係唔會買scanner啦,所以一直拖住完全無進展.......唉,想當日我雄心勃勃,想整個獨一無二既長遍連續史詩式大製作!唉~~~但係無scanner就乜都做唔到,徒嘆無奈! 今年終於改動過一直被受抨擊的板面,雖然仍未改到最好,但都希望各位睇得舒服
仍然沒女友 / . \ 仍然是窮神坐下第一使者 @_@ 兩年了,總共有三十一萬既瀏灠次數啦^_^
下定決心要整理好爆笑地獄,第一件想做既係去蕪存菁,將所有唔夠好既game同笑話cut走,一來可以做到貴精不貴多,二來可減小網頁寄存既容量,首先cut既會係爆笑禮物,然後係笑話,如果各位有乜game未download或者想抄去自己網既就要快手啦,唔使好耐我就會開工 ^_^
24/11//2001新增爆笑的GAME一隻
心情不太好........好似小左D乜野咁........好重要既野......
19/11//2001新增爆笑的GAMEX1 爆笑禮物X1(朱古力古惑兔)
我其中一段朱古力古惑兔既FILE失蹤左呀~~~~誰來救救我呀?
今日見到好多精品店賣古惑兔既產品,甚至有古惑兔既專賣店,好吸引啊~~~~好想全部買下來,但係......好貴啊....全部正板既貨都好貴,可憐既我......得個睇字
突然想講下古惑兔個名,佢既真名係mashimaro,官方網址係http://www.mashimaro.co.kr,相信各位在好多好多既網頁都見過佢既蹤跡,但係相信各位見到佢既時候,都一定唔係叫古惑兔,而叫做賤兔子(胖兔子亦有),據估計賤兔既名應係由台灣傳開,然後其他人照抄,但係我覺得既然佢只得英文名,賤兔都係某個網主自己改既姐~~~我香港唔一定要跟台灣!而且最主要係我覺得個賤字好似太過貶義,所以想改過一個更合適既名,我個人認為以廣東話黎講,古惑比賤字更適合,如果佢有一個官方中文名的話我應該都會更正,當然,如果官方名字太過嘔心的話,我一樣唔會理佢,就好似叮噹咁....竟然夠膽死改名做多啦A夢,竟然想強姦我既童年回憶,太可惡了,叮噹永遠係叮噹,多啦A夢,挑!!!!!!!
11/11//2001 新增爆笑片段X1 笑爆嘴X1
心情又唔好啦~~~直情係劣呀~~~~我開始用我既僅餘既時間黎度改板.....希望各位鐘意這個遲來的秋天吧,有乜意思請在留言板上發表吧,誰有朱古力古惑兔的file 給我呀? 我format電腦後發現不見了一個,誰來救救我呀~~~~
4/11//2001 三十萬了...........瀏灠人次超過三十萬了......真係好想心......估唔到o係爆笑地獄兩歲前就己經能夠超過三十萬.....真係太開心,之前諗住過三十萬時會改到板.....點知部電腦又format左.....唉....近排發生既事都不太如意..........唔係咁開心....發現好多野都只係自己既憑空想像........同現實仍有好大距離.......
各位想我更新邊一part請於留言板留言!!
1/11//2001 新增爆笑的game一隻
sorry 由於本人的電腦format了,很多software也未重新setup,所以遲遲未更新....太忙了,又要搵game,又要搵hosting,究竟uhome要點先肯比多幾十mb我用呢?(有無人可以教教我) uhome現時真係唔夠我用,唉~~~~仲要未改我既新板..... 點死好......
今日放返一隻舊game 出黎 係隻貓打棒球,之前唔多識玩,但now好鐘意,快來挑戰最高紀錄
24/10//2001 新增爆笑玩意(古惑兔第七集)
由於網頁存放既位置關係,最新一集既古惑兔暫時只供下載,如各位下載回家後有任何問題,歡迎各位在留言板或icq內查問~~~
今日收到兩段朱古力古惑兔既檔案,內容非常爆笑,希望能盡快上載
23/10//2001 慘慘慘~~~~想搵份文員做下都咁難~~~~>< 真陰公~~~~部電腦又同我作對,今個星期之內要format佢~~~~明天應該會放上古惑兔既最新一集,請等多一等
16/10//2001 新增恐佈桌面一張
情況仍未好轉..........
11/10//2001 由於本人有私事要辦,暫無時間和心情update網頁,希望在下星期前能復工
2/10//2001 由於有太多太多野搞未得閒更新~~~~只係放上一張懷疑大肉腳與恐佈份子有關既圖 (由燥狂症加工) 按此進入 燥狂症icq=108701745
爆笑地獄即將有新面目 但仍在測試階段 各位請多多給予小弟意見 按此進入 新板面1 新板面2
中秋節去左睇戲(cats & dogs) 可惡既胡露比大嬸話我知好好笑,超好睇, 點知希望越大,失望更大......雖然d狗仔的確幾有型,但係套戲都只係普通好笑
各位各位,有無人有29號既東方日報呀?我想要份報紙既其中一板呀,因為有登到爆笑地獄出黎呀~~~~請按此進 29號東方 希望有人有啦
通告: 由於本網放game既server於近期可能停用,如發現遊戲不能download請通知小弟
28/9//2001 劣劣劣~~~~心情大惡劣~~~~一直堅持既信念被打破,一切美夢幻滅~~~~~慘慘慘
23/9//2001 新增笑爆嘴第十九板 爆笑問題第二板
近排成日落狗屎~~~好痛苦~~~~
有人介紹到好既討論板比我未呀?~~~~等得好辛苦呀
前幾日搭巴士返歸時,有兩個醜婦坐我前面大聲講大聲笑,其實我都慣左d人 o係車度大聲ga啦,最慘係比我聽到晒佢地講乜,佢地兩位拿住本日本雜誌,一路話唔知佢寫乜,但兩條友又一直拿住本面o係度睇,一路睇一路笑~~~~反感程度達八粒星呀~~~~勁想一拳封佢兩個後腦~~~~唔識睇日文買乜鬼日文書黎睇~~~仲要係新出 o個 隻,莫非期期追本睇唔明既書好過癮?~~~真係莫名其妙
19/9//2001 新增爆笑玩意一隻
頭痛頭痛~~~竟然完全諗唔到有乜好更新~~~~今晚小小地整住一隻先~~~~放假時我先整其他野~~~暫時想update爆笑的圖或低智問題
既然無乜野更新~~~我就順便幫人賣下廣告~~~lee度有我個朋友既網頁
香港人o既交友聊天室~~~http://www.hkox.com
『依戀』
各位快去炸佢既板啦~~~我要佢個網主整埋好既討論板黎到比爆笑地獄既新環節用呀~~~佢好鬼死叻整lee d野ga~~~(可憐既我完全唔識)
呵呵~~~差d唔記得話比大家知~~~爆笑地獄又有得見報啦~~~詳情請睇明報啦~~
嘿嘿~~~真係好鬼開心呀~~~
18/9//2001 好懶啊~~~明晚才更新吧
11/9//2001 好夜了~~~原本想早d搵周公傾計,但係開著個icq 不斷收到一d message叫
人為美國的死難者，默哀和forward出去啦 ! 我覺得好厭惡,好反感! 我即時爆粗回應 實不想瞞 我一見到段新聞我即時大叫 好! 好多人話我冷血,我叫佢收皮啦~~~~ 美國佬比人炸又關你事,炸親你屋企咩,我國大使館被炸時你死左去邊呀? 我國軍機被撞毀時你又有無默衰呀? 我地中國人條命賤d呀? 自己人出事時就當睇新聞 美國佬一出事你就懶關心, 食屎啦!~~~(我唔係冷血,只係我既同情心大部份都係比左我國既同胞同好多動物)
我都唔知自己做乜究然一反常態咁衝動,連粗都爆埋~~~破壞晒我既型像~~~但我見到d無聊人懶係感同身受咁,就好想嘔~~~既嘔佢無事搵事做,又嘔佢地小小愛國之心都無,我從未收過有人forward 打倒日本軍國主意義 或打倒美國霸權主義既icq message,日本仔成日都唔認有南京大屠殺,又話慰安婦係自願既~~~~又唔見你地出聲.....
唉~~~好彩,仲有一班人陪下我癲,家下希望下次炸埋靖國神社(日本)
仲有仲有......美國佬平日成日扮大佬~~~成日攻擊我地中國,又話我地乜乜七七,之前撞機又唔肯陪錢~~~今次係報應呀~~~不過應報在總統屋企~~~~就睇你今次這個爛攤子如何收拾
我既爛未發完~~~~只係一時間未打得晒咁多字~~~~下次再發過爛(死啦~~~今晚真係失常呀~~~唔知又得罪左幾多人,唔理lu~~~早d訓,可能聽日返黎又比人炸板~~~~)
註~~~~我在icq每收一次叫我為美國佬默哀~~~我就會回應你一句白痴~~~那管你是天王老子,娘的孩子,家中獨子~~~全都無面比~~~請見諒
9/9//2001 新增爆笑片段x2
明明立定決心,今日要成日整網.....結果~~~始終都係到夜晚先有心機靜靜地安坐電腦前搞網
我要討論板呀~~~我要搞新節目~~~須要一塊討論板~~~邊個有好介紹呀
努力努力~~~我一定要個網頁重振聲威(有威過咩??) 一定要諗下計~~~究竟一個爆笑網仲可以玩到d乜 花式出黎呢~
7/9//2001 好累,好累,好累~~~~身體進入脫力狀態~~~完全無力中~~~
我頭髮剪短了~~~短得很~~~頭髮染黑了~~~~黑得恨~~~~
好耐無睇網頁既我~~~用左一個朝早既時間~~搵下好笑野~~~~就比我發現好多網copy左我既野過去,蠢就蠢在我知佢係copy自我~~~不過有人copy我就即係証明我好啦~~~(忠人講既) 為左唔好比copy(或偷link)既網頁好過我,我會放多d時間去更新網頁,同諗下計,整一d人地唔會copy走既野~~~~係乜?~~~總之就正啦~~~嘿嘿~~~
3/9//2001 新增爆笑的game一隻(強力推薦)
之前明明諗到好多野寫既.....但now又唔記得晒.......奇!
26/8//2001 新增笑爆嘴第十八頁,電腦笑話一頁
真係唔好意思,咁耐無更新,小弟真係估唔到原來真係有人經常光臨爆笑地獄,icq比人狂吹更新~~~真係有d唔好意思,不過近幾日心情真係唔多好,做乜都唔起勁,不過既然有人想睇,我死都要死d野出黎啦~~~反正我無人無物~~~今日星期日咪乖乖地留屋企整下網 law
今個星期原本要去挑戰李連杰,但係心情不佳,唯有改下個星期啦,但係......好似就快落畫啦喎.....點好~~~千其唔好咁快落呀~~~~
23/8//2001 原本前日應該己經更新....但係心情實在太過差,未能平伏~~~我會好快更新既,好快~~~等多一等~~~~
17/8//2001 新增爆笑的game一隻咁大把
睇左全職殺手啦~~~雖然明知唔會好睇~~~但為左睇劉德華~~~我都鼓起勇氣走入去睇,點知.......成套戲講日文,好煩,反町又反感,唉~~~~劉德華都唔似主角,總之睇到傻~~~~下個星期再去挑戰多套李連杰!
唉~~~成日掛住玩天堂,咁樣唔係辦法,咁搞法我個網遲早關門大吉,我在此發出宣言,我一定會盡快逃離天堂既魔掌,重投地獄(咁都得?)
9/8//2001 新增爆笑的game一大隻
廿五萬人啦~~~有四份之一個一百萬啦~~~真開心(無更新都有人黎,無天理)
近排出到街,無論下至小妹妹,中至少女,上至呀婆,都著住差唔多款既假和服,原本問題不大,但我唔明......點解著親lee d野既....有九成幾都係醜婦或肥妹(婆) 更甚者~~~~五十幾歲既大嬸都著埋一份~~~~我每日都行既旺角更係重災區~~~一日見十幾廿件走來走去.......如果你有朝一日,見到有個傻佬o係旺角街頭用力嘔既~~~o個個好有可能就係我......(諗起都想嘔)
我知再唔更新可能會比人炸~~~我知我衰~~~我知我唔好~~~
6/8//2001 我話過~~~我一定要去睇劉德華(全職殺手)同李連杰(猛龍戰警) 一定要.....但係...有無人陪我去睇呢~~~ >.<
各位~~~如有人知邊度有古惑兔既物品賣~~~記得話我知,我好好好想買古惑兔既杉呀~~~我見到有人著呀,好得意呢~~
29/7//2001 新增爆笑的game一隻咁大把
細妹玩天堂中~~~~~無電腦用~~~
21/7//2001 新增爆笑整蠱一大隻
仍然沉迷於天堂既世界~~~希望我能夠快D逃出黎~~~仲有好多E-MAIL未睇~~~好多野未UPLOAD呢~~~(有無人有玩緊天堂?記得搵我)
16/7//2001 剛剛睇完少林足球~~~又係好好睇~~~絕對唔係一齣cheap戲,反而仲幾健康添(對我黎講)究竟佢好睇定史力加好睇呢~~~真係諗到頭都大
唔好意思~~~仲未諗到更新乜野好~~~等多陣啦~~~ 唔好扔野~~~
13/7//2001 狂賀~~~北京申奧成功~~~~yeah~~~~!
11/7//2001 新增爆笑玩意X5(小龍傳說全上載)
應各位大佬大姐要求~~~上載全套小龍傳說
剛剛睇完史力加~~~超正~~~~~絕對全力推介,唔想講齣戲既內容係點,自己去睇啦~~~~我比滿分呀(但仲有好多戲未睇喎,咁快比滿分?.....)
1/7//2001 小新笑話修復,新增爆笑片段x3,爆笑玩意x1
原本有六段小龍傳說既file(韓國出品),但係唔係全部咁好笑,有人想要晒既就留言啦~~~(我只係放左最後一段)
一路病一路比人吹~~~唉~~~欠你ga咩
心情欠佳....終日埋首於天堂之中(online game)逃避現實.....究竟我想點呢....我又可以點呢
20/6/2001 病呀~~~~好慘呀~~~ >.<
20/6/2001 唉~~~失落~~~好唔開心~~~好down~~~~心情惡劣~~~~自閉~~~~
17/6/2001 只係新增電腦笑話一版
廿一萬啦~~~~
全靠天才清先生~~~本網唯一既cgi程式得以修復~~~特此鳴謝~~~各位可以去佢既聊天室chat下,我都好想有佢個聊天室呀~~~你地幫手一齊搵佢整個比爆笑地獄啦~~~~^.^
16/6/2001唔好意思~~~真係好累~~~又好多野煩~~~又唔知有無人請~~~遲D先更新
15/6/2001 累累累~~~十分累~~~窮窮窮~~~十分窮~~~禍不單行~~~留言板又short埋~~~
好想去玩龍族呀~~
9/6/2001 慶祝瀏灠人次過二十萬~~~韓國古惑兔全七款上載(放於爆笑玩意)
發現有人,照copy 本網內容or偷link 真係比面~~~
5/6/2001瀏灠人次過二十萬啦~~~好開心呀~~~~
3/6/2001 新增爆笑玩意x3
終於更新了...一口氣上載三個韓國出品既flsha作品~~~近排小弟經常流連於阿貴既網頁~~~越睇越慚愧~~~佢地竟然可以做到d咁搞笑,而每個人特都有獨特性格~~~真係唔易呢~~~
31/5/2001真係慚愧~~~咁耐無更新~~~小弟最近忙於研究打IDD同埋數碼相機既價格~~~但係睇來睇去都係得個吉~~~真慘~~~想去買新杉咩~~~又睇極都睇唔 O岩 喎,真係無奈~~~希望星期日前可以update下啦!
突然發覺想搵一個靜既地方都唔易,係唔係天性既問題呢,大部份中國人(香港+大陸)出到街上,仍然係高談闊論,大呼小叫(台灣人係咪咁GA呢?有心人請告知)好影響其他人,由其o係d交通工具上面,大大聲聲傾電話,慌死人唔知佢大把分鐘,頭先返屋企時仲慘,o係部巴士度聽住個大嬏不斷sell佢既傳銷,聽到我頭都痛~~~唉~~~真陰公
23/5/2001 新增爆笑片段X1 (此糸列啤酒廣告在香港有放映,但這一段更為爆笑)
心情惡劣,近排心情好差,好似全村人都得罪我咁.....所以我嬲晒全村人,點解淨係要我tum人,無人tum返我......近排邊個同我講野都死邊個,所以都係唔講好過講,唯有寄情小說啦......神鵰又睇晒,跟住睇邊本好呢?
21/5/2001 新增爆笑的GAME X 1
由於網頁寄存位置經己爆晒,所以唔知點再放GAME同片~~~好煩惱,仲有人叫我放埋D軟梗上黎添~~~邊度死咁多位返黎好呢?
經過連番閉關,終於睇完古龍既邊城浪子,下一關就係神鵰俠侶,我現下己經睇左一半多D啦~~~真係好好好睇呢......唉~~~~但係越睇越係傷感~~~~~究竟我既小龍女去左邊呢?~~~~~
過十九萬啦
15/5/2001新增有味笑話一大板
本網第一次加midi,並唔係亂加ga~~~因為我突然想唱歌,為免你地唔知我唱乜,所以就打埋歌詞啦!
莫名我就喜歡你 深深的愛上你
沒有理由沒有原因
莫名我就喜歡你 深深的愛上你
從見到你的那一天起
你知道我在等你嗎 你如果真的在乎我
又怎會讓無盡的夜陪我度過
你知道我在等你嗎 你如果真的在乎我
又怎會讓握花的手在風中顫抖
13/5/2001 今日母親節,成日都留左o係屋企...原本可以整下網頁,但係發現自己仲有好多小說未睇....於是狂煲~~~今日大約睇左一千頁書....但係都唔夠全部既十份之一.....前路漫長呢~~~~
買左鹿鼎記既漫畫板~~~幾好睇呀~~~又好笑~~~最正既係跟足原著,主編係台灣既林政德,佢之前既young gun我都好鐘意,可惜既係好耐無出,希望今日唔好又係咁啦~~~無睇過小說既一定要買黎睇下呀~~~(嘩~~~幫人賣廣告)
6/5/2001可惡~~~久未露面既瘡瘡又再露面~~~~可惡~~~唔通係因為我食得多榴槤?唔通又要我戎埋榴槤?~~~咁唔係辦法ga喎~~~連榴槤都無得食....好慘ga喎~~~~嗚~~~~好香呀....都話唔食ga啦~~~仲乜仲要引我喎....嗚 >.<
4/5/2001新增爆笑片段~~~小小糸列第三集
3/5/2001留言板復活~~~
2/5/2001今日.....o係尖沙嘴.....我...我見....我見到...我見到大明星...佢...佢就係周潤發~~~lee次真係大明星啦掛~~~但係出奇地無人圍住佢~~~仲見佢上埋的士添~~~以我既性格當然就同佢揮手啦~~~當然佢係有反應啦~~~hahaha~~~果然又cool又型呀~~~正!
原本有好多唔開心既野想講既~~~但係見完影帝之後就唔記得晒lu~~~haha~~算數~~~記得先寫返啦~~~
30/4/2001新增爆笑片段x1
唉~~~心情差劣呀~~~~其中一個原因係塊爛鬼留言板又壞左~~~要轉返用舊既先~~~另一樣係我突然感懷身世~~~被人拒絕,被人拋棄,被人遺棄,甚至被人遺忘~~~慘慘慘~~~
25/4/2001 新增爆笑片段x1(小小糸列之一,總共有三段,陸續增加)
今日心情不佳....而且右手有d痛...可能因為打得太多字...今日好早返到黎...但係都唔係咁happy~~~於是更新~~~ha~~~真無聊
其實....對住自己鐘意既人時...面子緊要嗎?~~~當你對住自己心愛既人時面子放在第幾位呢?當我鐘意一個人既時候...我會將自己既面子放埋一邊....想講乜野就乜野....我係掛住你就掛住你ga啦~~~唔通話唔係咩?只要能夠同自己鐘意既人一齊.....面子又算得係d乜?比你威晒又點呢?到最後係咪有面就開心呢?唉~~~其實我都好要面ga~~~但係對住你.....又會乜都衝口而出~~~~講得多你又以為我講笑~~~~唉~~~~~~~~(嘩~~~好多癈話~~~)
22/4/2001新增笑爆嘴一板
唉~~~失敗失敗~~~原本上星期諗住更新兩次~~~但係晚晚返到黎都累到死~~~結果拖左成個禮拜都係UPLOAD唔到~~~真失敗
今日睇左一本書叫大頭人獸行錄(唔知出面有得買未)我睇完之後,坐我隔離既朋友問我睇既係乜書,我答佢係笑話書,佢話..笑話?未見過你笑既? 無錯,睇晒本書我都無笑過,咁好無笑就無謂提啦~~~但係本書既編者(唔係作者)好坦白,o係序言度指出笑話來來去去都係o個幾百個,十之八九都係抄,剩返既就係改動人物主角,時間背景同埋諷刺對像,佢仲話自己唔係作者,只係將佢覺得好既笑話改左自己既主角(大頭人)所以佢只係編者而唔係作者,佢仲恥笑一d抄完人地文章(笑話)既所謂作家,做出一d賊喊捉賊既事(我懷疑佢係影射緊李力持)話人地侵犯佢地產權(李生試過啦!) 佢的確好坦白,所以我睇完個序之後都好比心機睇本書....但奈何都係笑唔出.....
上兩個星o係旺角見到蔡少芬,真人超靚女~~~正!跟住連續兩日見到李克勤,其中一日o係見到佢同梁榮忠一齊~~~我發現....梁榮忠係靚仔過李克勤既.....跟住又o係尖沙嘴見到郭可盈訓 o係條街度(拍戲) 真人同上鏡一樣咁靚呢~~~尋日又o係部車度見到山度士(足球員)近排好似見好多明星咁~~~但係最不可思議既係........我打電話比一個呀叔(工作需要)然後上佢屋企比野佢~~~去到開門條友竟然係........LMF既CM仁~~~~真係奇遇
19/4/2001點解?點解?點解妳係都唔理我?我己經試過低聲下氣搵你返黎啦~~~係我唔夠低聲定係你己經完全唔再需要我呢?~~~~我好清楚我對妳既感覺....我好需要妳
13/4/2001新增爆笑的game一大隻
放假啦~~~終於放假啦~~~今日全日留家休息~~~實在太感人啦~~~但係我lee一顆寂莫的心無人約去街~~~我怕會四人都留家休息呢~~~咁唔得ga~~~實會悶死ga~~~有無靚女陪我去睇戲呀~~~~(發開口夢中)
請問仲有無人download唔到flash呢?~~有的話請出聲,因為將來都會繼續有flash既game下載,無flash就會好唔掂,記得出聲
睇整好按滑鼠右鍵即可bookmark本網
可惡~~~點解?點解?~~~點解唔應我?~~~點解我send咁多message比你都唔應我~~~太可惡啦~~~我好唔開心呀
8/4/2001新增爆笑的GAME X 2 (隨GAME附送FLASH下載方法)
之前很多網友投訴爆笑的GAME玩不到,於是在近四隻GAME中加入了下載FLSAH外掛程式的網址(佢話可以兩分鐘攪掂)再有問題的請留言
首頁設定改為http://kingjoke.hk.st
慘慘慘~~~hey.to/kings既網址出現大量廣告(最慘既係無錢收)令人不勝其煩~~~於是決定轉網址~~~暫時最多人鐘意既係king88.hk.st(最易記) 同埋kingjoke.hk.st(最型仔)但最大既問題係轉網址的話就要連LOGO都要整過~~~我鬼識整咩~~~都唔知點死好~~~有無人有意見呀?~~
太太太耐無去過睇戲啦~~~前幾日被迫去睇左死亡直播(15minute~~~)悶到我反轉~~~真陰公(要比錢睇GA!~~)
1/4/2001新增爆笑片段x2
悶悶悶~~~~無玩隻龍族之後就好悶，成日都想開黎玩∼∼∼唔玩又唔知搞乜好∼∼悶
新申請左幾個dog hk.st既網址∼∼暫時仲未知邊個好記∼∼所以要向各位請教∼∼
網址分別係kingjoke.hk.st jokeking.hk.st kings8.hk.st king88.hk.st 四個∼∼∼究竟邊個好記ｄ呢？∼∼請將意見留於留言板ｏｒ E-貓比我啦
23/3/2001新增爆笑的GAMEx2
十萬個sorry~~由於網主近排沉迷玩龍族,所以疏於更新~~~實在罪無可恕,但我又唔知點補救喎~~~唯有勤力d搵爆笑野啦~~
過左十五萬人啦~~~係時候要諗下點裝修我個home(page)啦~~
我誠意向各位大男人推廌一本幾爆笑既書----林振強鬆8鬆之香港一定DUCK?! 有幽默感人仕或大男人會更覺爆笑~~
13/3/2001新增軟硬電話整蠱(暫時置於爆笑整蠱)
暫時放棄打機~~~重投網頁既懷抱~~~
有網友提議放軟梗既電話整蠱上黎我網,其實我一早就己經聽過,不過有好多網頁都有,費事又話我抄人啦~~~但近排諗真d~~我成日都比人話抄李力持ga啦(重申,雖然佢本人係一個笑話,但唔等於d笑話係佢作既,我無買過佢既書,更無過目不忘之技能,請注意)唔差在啦~~反正你地笑得出我放得落~~個人榮辱我早己置之道度外(嘩~~好正氣,我鐘意lee句),所以今日先放一個,有人鐘意既我就繼續放~~~
近排好多人o係我個留言板度賣廣告~~有人賣廣告即係覺得有人睇啦~~~多謝比面~~~又有好多人留粗口喎,簡直係令我塊板生色不小啦~~~不過留乜都好,唔關我屋企人事~~請注意...
12/3/2001打機打到頭都痛~~明天更新~~
6/3/2001今日終於考到牌~~~心情指數靚到爆燈,但我部電話都真係爆左燈
5/3/2001 沉迷龍族中~~~~~
25/2/2001新增笑爆嘴一板~~
今日正式買到pcgame龍族,不過login左半日都未得~~~真陰公~~
超開心~~原來pchome既二月號有登我個網頁出黎,好彩我仲買得返~~~點解次次我都係最後一個知道~~~
20/2/2001嘩~~~好開心呀~~~今日o係報館見到張衛健行過~~同佢say hello佢應我呀~~當佢將要消失o係我視線範圍時,我忍唔住大聲問佢{林心如係咪好靚呀?} 估唔到佢竟然回頭答我{直頭正啦~~} 嘩~~估唔到佢真係應我喎~~~仲以為d紅星會好cool添~
十三萬人啦~~~~
18/2/2001爆笑的圖重新排位,再新增兩張
好耐無試過訓得咁好又咁長時間~~~感覺真好~~~但係睡得太多既結果係一日美好既周日變得過份短,食完個午飯就己經三點幾(嘩~~似下午茶多d喎),睇陣書玩陣電腦咁又一日,真係頹廢既生活~~~幾時先可以脫離頹癈少年既生涯呢~~~~~
15/2/2001各位情人節過得開心嗎? 我就無乜特別啦~~~無情人既人既情人節即係唔係情人節啦(嘩~~講乜q呀你)一字記之曰-------悶
原本以為一早己經放低晒~~但一諗到意中人走去陪佢個情人,心中不其然像被重擊般~~唯有走去搵返首心太軟聽下(算了吧,就這樣忘了吧,傻傻等待,她也不會回來........)
11/2/2001 新增爆笑片段一野再加爆笑的GAME一隻
嘩~~~好耐無更新啦~~~而且仲無乜上網添,其實唔係完全無ONLINE,我只係太過早就去搵周公傾計~~而且近排沉迷睇小李飛刀~~情況嚴重.....
有無人話我知NOW用緊既留言板好無呀?比D意啦唔該
9/2/2001 好累呀~~~仲未習慣早睡早起既我~~~每日都尤如夢中,雙眼整天也睜不開...好苦呀~~~
29/1/2001新留言板呀~~~記得賞面留言呀~~~
28/1/2001新增爆笑整蠱X2,爆笑片段X1
死過翻生既我,第一時間竟然係要更新網頁,點解?問同道忠人啦~~~
好驚好驚,昨晚凌晨時份坐朋友車歸家時發生意外,險些四車連環,幸好前面部富豪夠硬淨,只係撞到佢就停低,最驚既唔係炒車既時間,而係炒完既時候,我坐既車炒到一百八十度轉彎,而後面既車好多都要急停(停唔到我地就玩完ga啦),幾條友企係屯門公路等差人叔叔到場,差人一到就封路,搞到屯門公路塞死左,每部巴士經過時乘客必定望下乜事~~~今次都算死過翻生~~
新年假期唔使去拜年,呆坐家中睇VCD,一口氣睇完回到未來PART 1~3 無錯,的確係好多年前既西片回到未來,但係NOW睇返,一樣咁正呢~~~
21/1/2001 恐佈桌面重新整理,新增兩張恐佈桌面
今日整日都係對住部電腦,一路睇堆積如山既E-貓,一路整網頁,搞到頭都痛埋!
男親女愛VCD出左啦~~~我都買左返黎睇(剛剛到手),原來真係映到我個後腦喎~~~
近排發生既事都令我唔係咁開心,首先係我一直睇開既政界小人物(spin city)完結,而原因係我最愛既主角,米 高 霍 士 Michael J. Fox ,為了專心治理柏金遜症的關係,真係估唔到咁後生都會有咁既病,跟住我考車牌又衰左,唉~~~真陰公~~~
13/1/2001 新增爆笑的game兩隻(即管挑戰)另把痴孖b吐口水放返上黎比各位挑戰
病己經好返九成啦~~~今次真係大病一場,近排心情原本極差,但係個網停左咁耐,仍然得到各位既支持,實在令我感動非常,算係得到安慰,令我弱小既心靈得到慰藉,有好多野想講,但係一對住個keyboard就唔知打乜好,以下既廢話希望唔好煩擾到各位.......(我諗到乜就打乜,可能好亂)
唔知做乜,我無更新個網既時候反而多左人瀏覽,究竟你地係來自那裏呢,真係一個謎......係喎~~~差d唔記得,希望各位留言時可以留低icq或者add我,方便我結識各位或者解答你地既問題
真陰公,元旦同埋生日(一月二號)都係病床中渡過,真係慘呀,邊有人生日既慶祝方法係訓覺ga?~~~~
原本諗住黎一次元旦生日大更新,點知變左元旦生日大昏迷,諗住搵小德德幫手整好個大肉腳傳,點知變左搵周公(後來先知小德德都病左)
我又被人拋棄啦~~~病左咁耐都無聽過佢把聲呀~~~好慘呢,其實我好掛住佢ga,但我把口又硬喎~~~唉~~~~~搵佢講心事佢又唔比我講,咁你話點好呢~~~
近排好鐘意聽返一首舊歌,<阿花的故事>,真係好好聽
12/1/2001 病情好轉,明晚更新~~~
2/1/2001 大病ING~~~~ @_@~~~